U Montri Rangbah ka jylla, u Conrad Sangma hawa e yei klam ha ka sngi pynkut ka Behdieñkhlam 2026 ka Seiñ Raij Tuber ynne ka sngi, da pynbna u wa ka sorkar daw wanrah ko da iwa thymme i kaam iwa daw yarap wow pynneh pynsah ya ka riti dustur kamjooh ka niam ka rukum.
Lyngba kani, ka sorkar daw yarap ko leh wow chna ki Museum, u pynneh ya ki warim wajah neibynta ki niam waphær waphær hapoh ka jylla Meghalaya.
Da ong u wa kani man ko neibynta ki Seiñ Raij, ka Seng Khasi, ki Balang Presbyterian, ki Balang Catholic deilang kiwi ki jait niam.
Neiliang ka sorkar daw e ko yei kyrchaan, daw yarap ko leh wow chna yeiwa emkaam neibynta i rukom ngait niam kamjooh ka riti dustur.
Heiyatoh wa ka dorkhat wa da e da ka Seiñ Raij Tuber ynne yow chna ya kawi ka Museum, da ong u wa daw chimkhia wow pynyoh ka deilang ka Gallery.
Da ong u leh wa ka dustur riti toh iwa tipmit ka pyrthai ya i wei emkaam wow pynneh pynsah ka.
Discussion about this post