Kiwa yalehke ka Meghalaya Association of Kickboxing Organisation (MAKO) da rahnaam ki ya ka jylla ha ka National Kickboxing Federation Cup 2020-21 wa da pynman ha Dehradun, Uttarakhand nadooh ka 7 hadooh 10 tarik uni u bnai heiwa da yoh ki hadooh 12 tylli ki takma wa kynthup 6 ki takma ksiar, 2 ki rupa wa 4 ki tama.
Ki khloor yalehke kiwa yoh ya ka takma ksiar kynthup ki ya ka Lorenza Songthiang-Kick Light Senior Women, u Rangkynsai Lynshing Senior-Men Musical Form, Kitbok Dkhar-Senior Men Kicklight, ka Daniella Mylliemngap-Senior Women Lowkick, Lamphrang Kharsahnoh-Senior Men K1 Rule wa u Fedrick Khongsit-Senior Men Lowkick.
Kiwa yoh takma rupa toh u Steven Wallace Dkhar-Junior Boys Full Contact wa ka Lorenza Songthiang-Senior Women Light Contact.
Kiwa yoh takma tama won toh u Rangkynsai Lynshing-Senior Men Light Contact, Mebaniaidshaphrang Kharumnuid-Junior Boys Kicklight, u Wander Maring-Senior Men Light Contact wa u Sumarlang Marwein-Senior Men Lowkick.
Ya kani ka dhab yalehke na jylla da yahkhmat da u Pynshai Mawrie-Coach wa u Baremdor Kharmuti-Technical Official chirup i emlang u Dony R Ranee kam u National President.
Ka MAKO da e khublei ko ya u Banteidor Lyngdoh uwa man u montri ka chnat Sports, u Prestone Tynsong kam u symbood montri rangbah ka jylla wa kiwi kwi.
Chooh chooh ka MAKO da e khublei ko ya ka Fly Big Airlines kawa da sdang wow pynhær ya ki lieñsuiñ na Umroi cha Delhi ar sien chi tayaw deiwa e khublei kyrpang leh ya ka Manima Baruah wa da pdiang ya ka MAKO na Guwahati Airport.
