Uwa yahkhmat ka HSPDP uwa man leh u Montri ha ka sorkar MDA, u Renikton L Tongkhar da ong u wa ka sorkar da chimkhia ko ya ka yakhih kiwa yah kari kamai ha ka jylla deiwa pynhiar ya i dor yong i Petrol wa Diesel da T. 2 wei da kyntu leh ya ki kynhun yong ki kari kamai wow dam noh ya ka yakhih.
Hawa klam ynne ka sngi, u Renikton da ong u wa i dor yong i Petrol wa Diesel ym toh iwa ku du ha ka jylla Meghalaya, tangwa ha waroh kawi ka ri India.
Da ong u leh wa lada ya nujor i dor ha ka jylla Meghalaya da rap duna bar ya kiwi ki jylla. Tangwa da ong u wa lada i dor Petrol wa Diesel duna i ha jylla Assam, da toh hok wa ki paidbah u dawa chooh chooh u pynduna ha kani ka jylla.
