15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

125 Run kamai ka Meghalaya jubab ka Bihar 80/2 ha ka Ranji Trophy

0 Comments

Shillong: Ka Bihar ha ka sngi nyngkong ka Ranji Trophy pyrchah ya ka Meghalaya ha ka sngi nyngkong da leh bha ko kawa pynman ha MCA Cricket Ground ynne ka sngi ha Shillong.

Ka Meghalaya da jop ko ya ka kylla khlem wei da jied ko wow Bat nyngkong tangwa ym em lai bait i rai yong ka heiwa da haap lut ki Wicket ko deiwa kamai 125 Run ha ka 52.5 Over. Ka Bihar hawa bat ko da pynkut ko ya ka sngi nyngkong deiwa kamai 80/2 iwa man bood ko da 45 Run.

Advertisement ad1

Pyn-ar liang suki bha i kamai Run kiwa da kamai hapoh 3 Run chi Over.

Ya ka Meghalaya u Raj Biswa man u uwa kamai Run wa boon dooh uwa yoh 56 Run kawa kynthup ya 4 tylli ki 4 Run wa 3 tylli ki 6 Run wei ym em kiwa pyn yoh lok ya oo kiwa neh slem.

U Abhay Negi da ki 38 Run yong oo (5x4s, 1x6s) da yarap u ya ka Meghalaya wow yoh palat 100 Run.

U Ashutosh Aman (Left-arm spinner) ka Bihar da pynchitom bha u ya ka Meghalaya deiwa yoh 8/51, uwa da yoh leh 21 tylli ki Wicket ya ka Bihar ha ki ar tylli ki yalehke wa da dep wei da leh bha biang u pyrchah ya ka Meghalaya.

Uwa Bat ka Bihar u Indrajit Kumar da haap nyngkong u khlem yoh u chi Run leh ha u Lakhan Singh.

Tangwa u Captain ka Bihar u Babul Kumar (43 not out) wa Kumar Rajnish (20 Run) suki suki da ye ki wow pynskhem ya ka kamai Run chwa wow haap u Rajnish ha u Gurinder.

U Lakhan da pynkut u ya ka sngi da 1/8, katwa u Gurinder da yoh u 1/25.

Previous
Next

0 Comments

Leave a Reply