theme-sticky-logo-alt
theme-logo-alt
Advertisement ad1
Advertisement ad1

13 ngut kiwa yoh ya ka State Teachers’ Award ka Meghalaya

Advertisement ad1

Ka 5 tarik u Naikhynde da lehkmen ya ka kam ka sngi kyrpang kiwa sikai namo ka Teachers’ Day yow tipmit wei wow lehburom ya kiwa sikai ya ki kaam wa da e ki cha ka imlang sahlang. Kani ka sngi man ko leh kam chibynta wow lehkmen ya ka sngikha u Dr. Sarvepalli Radhakrishnan, u President warim ka India uwa man leh kam uwa sikai.

Ha Meghalaya leh da ya lehkmen ya kani ka sngi ka 61st Teachers’ Day ynne ha kylleiñ ka jylla heiwa ka chnat Puræ Puthi da lehkmen ko ha U Soso Tham Auditorium, Shillong deiwa emlang u Montri ka chnat Puræ Puthi, u Lahkmen Rymbui kam u kongsan.

Advertisement ad1

U Montri da yaroh u ya kiwa sikai ka jylla khamtam heipor wa joor ka khlam COVID-19, heiwa kam kiwa sikai da kynjoh ki ya ki khynnah da ka stat Technology, deiwa ong leh wa ini ym toh wa suk wow pynkylla na ki kamra skur cha ki kamra Online tangwa dei kreh chitom yong ki da ye ki wow jop yeiwa eh yow e yeiwa bha tam ya ki khynnah.

Da pdiang u leh yeiwa chem chitom kiwa sikai heiyatoh wa i phær i yoh tulop wei i wym ye u su tulop heipor wa biang deiwa ong wa ka sorkar ka kreh chitom ko wow pynbait yeini waroh.

Da ban joor u leh yei emkaam kiwa sikai wow sdang ya ki rukom hikai wow yarap u pynku lang ya waroh ki khynnah.

U Montri da e khublei u leh ya ka Gamchi Timre R Marak, Head Teacher Educere Higher Secondary School, Williamnagar kawa da yoh ya ka khusnaam National Teacher Award 2022.

Ka sorkar Meghalaya won da pynkup burom ko ya 13 ngut kiwa sikai da ka State Award kam wow tipmit yei kreh chitom ki kiwa man kamni ha wah:

  1. Ka Lasubon Shullai, Assistant Teacher, Laittyra UP School, Laittyra
  2. U Dibiland Iawphniaw, Headmaster, Malaisohmat UP School, Phlangwanbroi
  3. Ka Sidamon Kurbah, Headmistress, Wahrit Govt. UP School
  4. Ka Bioles Lyngdoh, Assistant Teacher, Mawthawpdah (Def) UP School Mawthawpdah
  5. U Dipak Kumar Saha, Assistant Teacher, Govt. Boys’ Higher Secondary School, Jowai
  6. U Arun Kumar, Principal, Seinjait Tuber HS School, Tuber Kmaishnong
  7. U T P Tmung, Principal Umroi Presbyterian HS School, Umroi
  8. U Jeremias Kharbani, Headmaster, Mangsang Secondary School, East Garo Hills
  9. U Dominic Marak, Assistant Teacher, Don Bosco HS School, Mendal
  10. U Jairaj Chetry, Headmaster, Gorkha Deficit UP School, Tura
  11. Ka Hezillina T Sangma, Head Teacher, Akkonggre Govt. LP School
  12. Ka Dewbarlinda B Sangma, Headmistress, Ampati Deficit UP School
  13. U Lindstorm K Marak, Headmaster, Rugapara Deficit Secondary School

Najrong ka State Teachers’ Award, da e leh ya ki District Award cha ki 33 ngut kiwa sikai na kylleiñ ka jylla. Ha East Khasi Hills, ka District Award da e cha ka V. Dipali Sharma Rao, Principal, Laban Assamese Girls’ HS School, Laban ha ka Secondary Section. Ka Philosimai Syiem, Assistant Teacher, Nongkrem Govt. UP School da yoh ko ha ka Upper Primary Section. Ka Belinda Kharsati, Head Teacher, Pomlahier LP School da yoh ko ha ka Lower Primary Section.

Da e leh ya ka Special Award (Inclusive School) cha ka Josephine Lyngdoh, Special Educator, Mary Rice Centre for Special Education, Laitumkhrah, Shillong. U Habandamon Rani ka Seng Khasi HS School, Shillong waka Deigracia A Shylla, Holy Child HS School, Shillong da yoh ki ya ka Scoutmaster wa Guide Award.

Share this:
Previous

Leh burom ki khynnah ka Shlem Hikai Tynre Seiñraij ya kiwa sikai

Next

Da lehkmen ya ka Teachers’ Day ha Jowai