13 ngut wa chah kem hadien wa chem suloi napoh ki kari ha Shillong

Hadien da yoh kem ki pulit ynne ha Shillong ya ki suloi Air Gun deilang le tylli ki kari syad dor da pyntikna ki wa kini toh kiwa da mantre da u Mebanshem Snaitang uwa na Pohkseh Shillong uwa da chah kem.

Da pyntip ki leh wa heiyatoh wa ini, ynne heipor kamwa 2:30 i sngi kawi ka kari Audi A4 (rong soo) ka wym em Number, kawi ka Scorpio N (rong yong) kawa em Number ML-05AF-0309 wa kawi ka Toyota Innova (rong yong) kawa em Number T0922ML7411A da yoo wa pynyieñ ki hakhmat ka Shopper’s Stop, IGP.

Waroh kini ki kari toh kiwa da em ki yit wa da biah rong yong wei kawi toh kawa da pyndait wa ka Siren.

Hapoh kini ki kari da em leh 12 ngut kiwa sap ki sula rong yong (Black Fatigues) kiwa yoodur wa man kam ki Body Guard u Mebanshem.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Napoh kini ki kari da chem ya 5 tylli ki suloi Air Gun, ar tylli ki Air Pistol, 6 tylli ki tadong kuli (Magazine), ar tylli ki Laptop, 5 tylli ki Handheld Sets wa ki Number kari ka jylla Assam deilang ki Combat Vest kiwa da kem noh ki pulit.

Heiyatoh wa ini da Register Case neidaw wa leh ki kam ki bru ka aiñ wei pyntieñ bru ki heiwa da pynngat ki hapoh ka aiñ Arms Act hapoh ka Sadar PS.

Ka takit dang lai ko chakhmat yow chem lada kini ki bru emkti ki ha ki kaam pyrchah aiñ.