Kam chibynta wow pynkhlan ya ka thong krehkaam ka sorkar pyrdi kawa tip kam ka ‘Make in India’, neiliang ka Ministry of Defence (MoD) ynnin ka sngi da soi soskular ko wa ka Mahindra Defence Systems Ltd (MDSL) wow thied hadooh 1,300 tylli ki kari Light Specialist Vehicle (LSV) ya ka Indian Army, ha i lut wa T. 1,056 klur wei ya kini ki kari waroh daw yoh hapoh 4 snem.
Kini ki kari LSV da man ki ki kari yakhun katkam ka juk wa katni wei daw pyndait ha ki ya ki Medium Machine Guns, Automatic Grenade Launcher wa ki Anti-tank Guided Missile.
Ya kini ki kari da chna wei da pynwandur ya ki da ka MDSL wei da chna ya ki da ki tiar yada talawiar (All round protection) na ki tiar siat kiwa khian (Small arms fire).
Kani ka soskular man ko leh kam chibynta yong ka sorkar pyrdi wa tip kam ka ‘Atmanirbhar Bharat Abhiyaan’ wa ka ‘Make in India’.
