15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

168 ngut kiwa dang yoh COVID-19, uwi wa yap, kiwa chait da poi ki 2020 ngut ha Meghalaya

Advertisement ad1
Advertisement ad1
Advertisement ad1
Advertisement ad1

Kiwa dang yoh COVID-19 hadooh 1 waje ynne i sngi ka 12 tarik da em ki 168 ngut, 131 ngut kiwa chait wa 1 wa yap ha Meghalaya katkam wa pyntip u DHS(MI) ka jylla u Dr. Aman War.

Na kiwa dang yoh thymme, ha East Khasi Hills da em 124 ngut (chipai-45, paidbah-79), Ri Bhoi (chipai-8, paidbah-6), West Garo Hills 17, South West Garo Hills 4, East Jaiñtia Hills 7, East Garo Hills 1, West Khasi Hills 1.

Kiwa dang chait toh ha West Garo Hills-10, West Khasi Hills-21, East Khasi Hills-92, Ri Bhoi-8.

Uwa khlaad toh uwa tip pyrtuid kam u Welldone Boy Marbaniang (15 snem) uwa sah ha Mawpat. Uni toh uwa yoh ya i iñdoh wei uwa chem chitom wow riñ mynsien heiwa da Test ya oo daka RT-PCR heiwa da yoh yaka Report haka 11 tarik wa man u uwa yoh ya uni u khñiang.

Da pynkit ya oo cha Dr. H Gordon Robert Hospital ha ka 10 tarik chiteiñ synyaw wei da khlaad noh u pyn hei step ka 10 tarik heipor 5:30 tangwa da yoh lut yaki Report ynne ka sngi heiwa da kheiñ noh kam uwa khlaad na u COVID-19.

Ki bru paidbah kiwa dang yoh COVID-19 ha East Khasi Hills toh 61 ngut ki High Risk, 6 ngut kiwa chitom ILI, 6 ngut ki wakreh ka Health (2 ngut ki Doctor na MATI, 1 Doctor Gynea ha Ganesh Das Hospital wa 1 ka Staff Nurse ha MATI wa 2 ngut ki Helper ha MATI), 2 kiwa chitom SARI, 2 ngut kiwa liwan. Ha East Jaiñtia Hills 7 (Star Cement-3, Umtyra Residential School-1, kiwa liwan-3). Ha West Garo Hills 4 ngut kiwa chem deiwa Test paidbah ha Walbakgre, 4 ngut ki High Risk Contact wa 3 ngut kiwa liwan. Ha South West Khasi Hills 4 ngut kiwa liwan. Ha Ri Bhoi 5 ngut ki High Risk Contact wa 1 wa liwan. Ha West Khasi Hills 1 High Risk Contact. Ha East Garo Hills 1 wa liwan.

Ha i Test paidbah ha Khyndailad da chem ya 5 ngut kiwa yoh ya uni u khñiang na ki 37 ngut ynne ka sngi.

Kiwa dang em ya uni u khñiang ha ki District man ki kani ha wah:

East Khasi Hills: 994 (chipai-190, paidbah-804)

West Khasi Hills: 14

South West Khasi Hills: 5

Ri Bhoi: 130 (chipai-46, paidbah-84)

West Jaiñtia Hills: 13

East Jaiñtia Hills: 146

West Garo Hills: 211(chipai-85, paidbah-126)

South West Garo Hills: 8

South Garo Hills: 20 ki chipai

East Garo Hills: 17

North Garo Hills: 12

Waroh kiwa dang em ya uni u khñiang da em ki 1570 ngut, kiwa chait 2020 wa 25 ngut kiwa yap.

Ki nongmuna kiwa da phah Test da em ki 1,12,221 tylli, kiwa ym em chah ktah da em ki 1,07,737 wei dang yang yaka Result yong ki 869 tylli.

Kiwa psiah chapoh ka jylla da em ki 35165 ngut.

Share this:
Previous

Yoh COVID-19 u James Sangma ha Manipur

Next

Wa da chem yei sakhiat, da burom u waheh shnong Sohmynting ya uwa pynkreh yaka Scheme chna paikhana