Katkam ka khubor wa pynmih daka ANI, da em 17 ngut ki MP wa kynthup ya kiwa yahkhmat ka BJP ka Meenakshi Lehki, Anant Kumar Hegde wa u Parvesh Sahih Singh da Test wa yoh ki ya u COVID-19 haka sngi nyngkong ka Monsoon Session ka Parliament.
Ya ka dorbar ka Parliament da sdang yaka ynne ka sngi hapyrdi wa em ka khlaam COVID-19 heiwa da yaleh wow bood yaki kyndon yada na kani ka khlam katkam ki kyndon wa da booh.
Kamwa 200 ngut na ki 785 ngut ki MP toh kiwa em 65 snem chaneiñ kiwa katkam wa da pynbna ka sorkar toh ki rta wa em hei maa wow yoh COVID-19.
Haka sien wa nyngkong yei soi pyrtuid yong ki MP kiwa wan chimbynta da leh lyngba ka Mobile App kawa tip kam ka Attendance Register App kawa chna daka National Informatics Centre (NIC) yow lait wow hap u tba yaka Register wei uni u App u krehkaam u lada em ki du hapoh ka Parliament.
U Speaker u Om Birla da pdiang u wa waroh ki MP ha kini ki por waphær wa khyllah deiwa kyntu yaki wow bood ki yaki kyndon yada.
Yaka dorbar ka Lok Sabha da pynkut noh ynne ka sngi heipor 3 waje i sngi wei daw pteiñ biang ko mynstep.