15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ym chong ngiah chi sngi leh hawa pynman yaka Parliament

Advertisement ad1
Advertisement ad1
Advertisement ad1

U montri rangbahdooh ka ri u Narendra Modi ynne haka sngi nyngkong ka dorbar Monsoon Session ka Parliament kawa 18 sngi da e khublei u ya waroh ki MP kiwa da wan wow leh pyndep yei kamram yong ki khamtam ha kini ki por wa em ka khlam.

Da ong u wa yaka Budget Session hap pyndep yaka chwa yei por. Wei ha ini i por ka Parliament u krehkaam ko arsien chi sngi, chisien yaka Rajya Sabha wa chisien yaka Lok Sabha. I por wa pynman leh da hap wow pynkylla. Da pyndam leh yaki sngi chong sngi haka Saturday wa Sunday, heiwa waroh ki MP da pdiang ki yeini.

Da ong u leh wa daw em chiboon ki rai kiwa emkaam wa hap wow chim wei kamwa da chem wa katwa dang boon ka yatai hapoh ka Lok Sabha dang man ko ka yaklam kawa yaar kawa pynmyntoi yaka ri wei yow yoh leh yaki jubab yaki kaam wa hap pynbiat.

Kamtæ da yooluti u wa ki MP daw wanlang ki Ieh ha kani ka kynti yow e yei bhah yong ki kam chibynta kani ka dustur hanla em kani ka khlam deiwa pyntikna wa yada pynya idæ ym toh u kheiñstiñ katwa ym pu em ya i dawai. Da yooluti u leh wa i dawai yada daw ye i wow wan na kiwon kiwon ki soo dong ka pyrthai, heiwa ki Scientist ka ri leh da lai ki cha kani ka luti.

Da pynkynmoo u leh yaki chipai ka ri kiwa yada ya u pood ka ri haki thaw wa chitom bha dei mynsien wa chlur heiwa u slap leh daw sdang noh u ha kini ki sngi wow wan. Kamtæ ka yung dorbar leh daw phah ko ya ka khubor wa yatylli yow pynchlur yow e mynsien yow pynyoo yei kyrchaan yaki chipai ka ri.

Da pynkut u deiwa ong wa ha kini ki por u Corona ym yoh phi wow lai u wan katwa ngait phi wei wow sñiawbha wow syndong pynya idæ.

Share this:
Previous

Yoh kem drug wa chongdor T. 3.84 klur na khappood waka Myanmar

Next

17 ngut ki MP wa yoh COVID-19 haka sngi nyngkong ka Parliament