Ka sorkar Meghalaya hapoh i yahkhmat Montri Rangbah, u Conrad K Sangma da leh ko yeiwa emkaam hajrong i kynaad wa da jia ha Manipur yow li thooh ya ki nong Meghalaya kiwa da sahkut ha Manipur.
Ka sorkar da pynbiang ko ya ka lieñsuiñ yow li thooh ya kiwa lai puræ ha Manipur deiwa ya krehlang wa ki Indian Army kiwa da lai synraan ya ki chadooh ka Imphal Airport.
Ha ka 5 tarik uni u bnai, da em 66 ngut kini kiwa lai puræ kiwa da poi suk ha Guwahati Airport da ka lieñsuiñ ka Alliance Air wa da pynbait da ka sorkar Meghalaya. Manda poi ki ha Guwahati Airport, da e yarap dei baam kamjooh ki kari wow li yah ki chapoh Meghalaya.
Ynne ka 6 tarik da em 17 ngut kini kiwa lai puræ kiwa dapoi ha ka Guwahati Airport.
Ha ka 7 tarik daw em 50 ngut kiwa daw poi, ha ka 8 tarik 70 ngut, ha ka 9 tarik 30 ngut wa ha ka 10 tarik won 15 ngut.
Da pynkhreh leh ya ki lieñsuiñ wa kyrpang ki wow wan na Imphal cha Shillong da ka sorkar Meghalaya yow wanrah smat ya kiwa dang lai puræ.
Da booh leh ya arngut ki sahep sorkar Meghalaya kiwa da em ha Imphal yow pyntikna wa kiwa chong chnong yoh ki yei yarap yow suk ki u liwan.
Neiliang won ka chnat Transport ka Meghalaya da pynbiang ko ki kari ya kiwa poi ha Guwahati Airport yow kit ya ki chapoh ka jylla.
Ka sorkar da pyntip ko wa da yaklam ko leh wa waroh ki khynnah yow tip yei long i man ha Manipur wei yow tip leh kammon ki jait yarap wa emkaam ki.
Ynne i janmiet, u Montri Rangbah da khut yalang biang u yow tip chaphang ini wa da leh waroh.
