15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

170 ngut kiwa dang yoh, 153 kiwa dang chait wa sa 4 ngut kiwa dang yap na u COVID-19 ha Meghalaya

Advertisement ad1
Advertisement ad1

Kiwa dang yoh thymme ya u COVID-19 ha Meghalaya ynne ka 23 tarik da em ki 170 ngut, kiwa dang chait da em ki 153 ngut wa sa 4 ngut wa yap na East Khasi 3 ngut wa 1 na South West Garo Hills katkam wa pyntip u DHS(MI) ka jylla u Dr. Aman War.

Kiwa dang yoh thymme toh ha East Khasi Hills 117 ngut (chipai-1, paidbah-116). Ha North Garo Hills 5 ngut. Ha East Jaiñtia Hills 3 ngut. Ha Ri Bhoi 37 ngut. Ha West Garo Hills 5 ngut. Ha West Jaiñtia Hills 3 ngut.

Advertisement ad1

Kiwa dang chait toh ha East Khasi Hills 113 ngut, ha Ri Bhoi 17 ngut, ha West Garo Hills 17 ngut, ha South West Garo Hills 3 ngut, ha East Jaiñtia Hills 2 ngut wa ha South Garo Hills 1.

Kiwa dang yoh thymme ynne ka sngi ha East Khasi Hills toh 52 ngut ki High Risk Contact, kiwi won toh kiwa chem naki Cluster wa da yabhah yaka sor Shillong. Ha Ri Bhoi toh 10 ngut ki High Risk Contact, 27 ngut ki pulit kiwa wan leh Training ha NEPA neibynta ki 2 bnai kiwa wan lyngba ka Assam. Ha West Jaiñtia Hills 1 toh High Risk Contact wa 2 ngut kiwa liwan chapoh ka jylla. Ha West Garo Hills 1 toh High Risk Contact. Ha North Garo Hills 3 ngut ki High Risk Contact wa 2 ngut kiwa liwan na baar jylla. Ha East Jaiñtia Hills 3 ngut kiwa dang liwan chapoh jylla.

Kiwa dang yap toh ka Ryena Begum (68 snem) kawa na Mahendraganj, South West Garo Hills kawa da li booh ha Ampati Civil Hospital ha ka 17 tarik uni u bnai kawa da em chwa i chitom wa rap slem wei da Test yaka heipor wa li booh cha Hospital wei da chem wa yoh ko ya u COVID-19, da khlaad noh ko ha ka 22 tarik uni u bnai.

Kiwa na East Khasi Hills kiwa khlaad toh u Abdul Hazim (60 snem) uwa na Jhalupara uwa da li booh cha Nazareth Hospital tangwa da pynbna wa da khlaad chwa wow poisa Hospital haka miet ka 22 tarik wei manda leh daka Rapid Antigen Test da chem wa toh uwa em COVID-19.

Sa uwi toh u Deepak Dutta (75 snem) uwa na Circuit House, Kench’s Trace uwa da chem leh wa man uwa yoh COVID-19 hawa Test wei da khlaad u ha NEIGRIHMS ha i step ka 23 tarik.

Uwi won uwa khlaad toh u Sudip Karmakar (41 snem) uwa na Laban wei da li booh cha Woodland Hospital tangwa da khlaad chwa neidaw wa oor u ha yung wei manda Test da chem toh uwa yoh COVID-19.

Kiwa dang em ya u COVID-19 ha ki District man ki kamni ha wah:

EAST KHASI HILLS: 1472 (chipai-174, paidbah-1298)

WEST KHASI HILLS: 13

SOUTH WEST KHASI HILLS: 6

RI-BHOI: 156 (chipai-32, paidbah-124)

WEST JAIÑTIA HILLS: 12

EAST JAIÑTIA HILLS: 275

WEST GARO HILLS: 95 (chipai-50, paidbah-45)

SOUTH WEST GARO HILLS: 11

SOUTH GARO HILLS: 5

EAST GARO HILLS: 6

NORTH GARO HILLS: 9

Waroh kiwa dang em ya uni u khñiang da em ki 2060 ngut, kiwa chait 2859 ngut wa 42 ngut kiwa yap.

Ki nongmuna kiwa da phah Test da em ki 1,36,932 tylli, kiwa ym em chah ktah da em 1,31,971 tylli.

Kiwa psiah chapoh ka jylla da em ki 39,808 ngut.

Share this:
Previous

Chimkti u Narendra Singh Tomar kam u montri ka Ministry of Food Processing Industries

Next

Pynkup burom u BDO ka Amlarem ya u khynroo wa chah jied ha ka FC Goa