Jowai: Kam chibynta wow lehkmen yaka Meghalaya Day, ha Jowai da pynman yaka Meghalaya Day Run 2020 neibynta ki chynrang wa kynthai da ka yung krehkaam u Deputy Commissioner, West Jaiñtia Hills District, Jowai deiwa ya krehlang wa u District Sports Officer ka West Jaiñtia Hills District.
Yaka yaphet pyllah da wan wow kaweh lama da u Superintendent of Police u Lakador Syiem deilang wa u Addl. Superintendent of Police u Vijay Chhetri.
Da sdang ya i phet na Kiang Nangbah Sadium deiwa lai na Ladthadlaboh Main Road-Kiang Nangbah College-Bypass-Myntdu Bridge-Amlarem Bypass-Stand War-DC Office-New Hill-Ladthadlaboh wei da pynkut biang ha Kiang Nangbah Stadium.
Ynne ka sngi da wan chimbynta da 180 ngut ki chynrang wa kynthai nadooh ki khynnah hadooh kiwa da heh rta.
Neiliang ki chynrang da yoh nyngkong u Ribet Dkhar, wa ar u Marso Kyndait wa le u Dasaman Kyndait kiwa waroh na Sabahmuswang.
Na ki kynthai won da yoh nyngkong ka Pynhun Shulet, wa ar ka Happiness Phawa, wa le ka Medaroi Biam.
Da em leh ka e khusnam wa kyrpang cha u Shaniah Hua kam uwa heh rta dooh uwa chimbynta wa cha u Manchwa Kyndait uwa khian rta dooh na kiwa chimbynta uwa dang 8 snem.
Ya kiwa jop da da yoh ki leh yaka song poisa heiwa kiwa yoh nyngkong da yoh ki T. 7000, wa ar T. 5000 wa le T. 3000.
Uwa yoh nyngkong na ki chynrang 
Uwa yoh wa ar na ki chynrang 
Uwa yoh wa le na ki chynrang 
Kawa yoh nyngkong na ki kynthai 
Kawa yoh wa ar na ki kynthai 
Kawa yoh wa le na ki kynthai 
Uwa heh rta dooh na kiwa chimbynta 
Uwa khian rta dooh na kiwa chimbyna
Discussion about this post