theme-sticky-logo-alt
theme-logo-alt
Advertisement ad1
Advertisement ad1

1,90,575 ngut kiwa thap Vote hapoh ki Constituency ka West Jaiñtia Hills

U Deputy Commissioner ka West Jaiñtia Hills, u Garod LSN Dykes ynne ka sngi da ekti u ya ka Final Electoral Rolls (Soft wa Hard Copy) cha kiwa mihkhmat ki sei saiñhima ka District ha ka yalang wa pyman ha Conference Room u DC deiwa emlang ka Additional Deputy Commissioner (Election) ka D.D. Syngai, Additional Deputy Commissioner u Alexander Mukhim, Extra Assistant Commissioner u W.K. Kharbuli wa ki wakreh ka chnat Election.

Hawa e yei klam, ka D.D. Syngai da pyntip ko wa i em kiwa thap Vote hadien wa leh ya ka Final Electoral Roll Summary Revision neibynta ka 1-Nartiang Constituency, 2-Jowai Constituency, 3-Raliang Constituency, 4-Mowkaiaw Constituency wa 7-Amlarem Constituency da ku ki cha ka 1,90,575 ngut deiwa kheiñ ya kiwa thap Vote wa dap 18 snem hadooh ka 01-01-2022. 

Da e khublei ko leh ya waroh kiwa mihkhmat ki seiñ saiñhiam, ki BLO, ki Supervisor wa ki Field Officer kiwa da kreh chitom wow pyndep ya kani ka Special Summary Revision.

Da pyntip ko leh wa ka yung krehkaam u Deputy Commissioner da pynchlur ko ya kitu kiwa da biang rta wow wan ki chakhmat yow man noh kam kiwa thap Vote.

Da pyntip ko leh wa ha ki 4 tylli ki Constituency lait na ka Amlarem da em waroh 1,54,057 ngut kiwa thap Vote heiwa na kini da em 74,128 ngut ki chynrang wa 79,929 ngut ki kynthai.

I rukom em kiwa thap Vote ha kini ki soo Constituency man i kamni:

Ha 1-Nartiang da em 41,342 ngut kiwa 20,167 ngut ki chynrang wa 21,175 ngut ki kynthai.

Ha 2-Jowai da em waroh 38,701 ngut wa kynthup ya 18,176 ngut ki chynrang wa 20,525 ngut ki kynthai. 

Ha 3-Raliang da em waroh 37,562 ngut wa kynthup ya 17,906 ngut ki chynrang wa 19,656 ngut ki kynthai.

Ha 4- Mowkaiaw da emlang waroh 36,452 ngut heiwa 17,879 ngut toh ki chynrang wa 18,573 ngut ki kynthai. 

Katwa yong ka Amlarem won daw pynbna da u SDO ka Sub-Division.

Share this:
Previous

Da toh ieh mylliñ ya ki kot ki khynnah wa emkaam hapoh Taxi

Next

Lai bait i pynkhreh ya ka Lympung ki Khynnah Seng Khasi Seiñraij ha Mukhap