theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Lai bait i pynkhreh ya ka Lympung ki Khynnah Seng Khasi Seiñraij ha Mukhap

Advertisement ad1

Nadooh wa wan ka khlam COVID-19 ha u 2020 da chah ktah bha i lehniam wa ki yalang paidbah ki jait niam waphær waphær ha waroh chi tyllup ka pyrthai wei wer pa wer da sdang wai biang ya ki lehniam wa ki lehkmen katkam wa yah i por.

Ha ini i bynta ki khon ka Niamtre wa Seng Khasi leh da chah ktah bha ki heiwa ya ka lympung ki Khynnah Seng Khasi Seiñraij kawa 16 kawa toh u pynman ha u Duyatra (Jan) 2021 ha chnong Mukhap, West Jaiñtia Hills da hap pynsangeh chwa ya ka neidaw wa dang krehkaam ki kyndon wow khang yei poor ka khlam COVID-19.

Ha kani ka kynti won da yohbor na ki bor District ka West Jaiñtia Hills wow pynman noh ya kani ka lympung ha ka 16 tarik uni u bnai heiwa ynne ka sngi da yoh u sakhi wa i pynkhreh da man i iwa lai chaaid chaaid.

Hawa yaklam u Sheini Wett uwa man u President Seiñraij Mukhap da ong u wa kani ka lympung man ko kawa kyrpang neibhah wa da yoh u pdiang ya ka ha kani ka kynti da ka Seiñraij Mukhap hadien boon tylli ki snem.

Neiliang won u Puramon Kynjing uwa man u President ka seiñ Lympung ki Khynnah Seng Khasi Seinraij da ong u wa lyngba kani ka lympung ki khynnah daw yoh ki u pynyoo ya ki sap wa em ki.

U Pyniaidsuk Lyngdoh uwa man u General Secretary ka seiñ da khana u ya ki kyndon wa da pynkhreh wa hap bood ha kani ka sngi wa ki yakob wa da booh wow yaleh ki khynnah ha ki bnai wa dadep kam chibynta yong kani ka lympung.

Da pyntip u leh wa em 20 tylli ki Circle hapoh kani ka Lympung wei na kawi pa kawi ka Circle u wan du 5 ngut ki khynnah kiwa da em 15 snem chaneiñ wei toh u man ki kiwa da dep chim tika.

Share this:
Previous

1,90,575 ngut kiwa thap Vote hapoh ki Constituency ka West Jaiñtia Hills

Next

Wai u Conrad ya ar tylli ki thaw sumaar ha West Garo Hills