1st Division: Jop ka Mooknor Thadmuthlong ya ka Khliehiongriang, khlem em wa jop ha ka yalehke wa bood

Ka 12^th Chatister Kharkongor Memorial Trophy kawa man leh kam ka 1^st Division Football Tournament 2024 wa pynman da ka West Jaiñtia District Sports Association da poi ko cha ka sngi wa ynru ynne deiwa pynman ar tylli ki yalehke.

Ha ka yalehke wa nyngkong, ka Mooknor Thadmuthlong da jop ko ya ka Khliehiongriang da 7-1.

Ya ka Mooknor Thadmuthlong da yoh Hat-Trick u Ioh I Dhar uwa da thap ha ka minit wa 11, 79 wa 87, u Rimiki Suchiang ha ka minit wa 56, u Manhok Suchiang ha ka minit wa 61 wa 75 wa u Lad Tang ha ka minit wa 66 katwa ya ka Khliehiongriang da thap da u Basuklang Khonglah ha ka minit wa 19.

Ka yalehke wa ar hapyrdi ka Mynthong wa Mookyndur da kut ko da 2-2.

Ka Mookyndur da yoh ko u thap mar ya sdang ha ka minit wa 2 lyngba u Demehi Phawa tangwa ka Mynthong da ye ko wow su kylliang ha ka minit wa 31 lyngba u Wailadmi Shadap.

Related posts

Jop uwa na Meghalaya ya ka Kettlebell World Championship ha Moldova

June 8, 2026

Hei sien nyngkong wa chimbynta ha ka MSL rah syndon ka Nongkseh yei naam Champion

June 5, 2026

Ha ka kylla miet, ka Mynthong da yoh ko wow pyntam ha ka minit wa 87 lyngba u Riketto Dkhar tangwa ka Mookyndur chwa u kut ka yalehke ha ka minit wa 90 da yoh ko wow su kylliang lyngba u Bandaplang Pariat.

Ki yalehke wa bood u pynman mynstep ar tylli:

Moosalyngkat Vs Mukhla Evergreen (12:00 PM)

Chutwakhu Vs Dulong (2:30 PM)