• About Us
  • Contact Us
  • Privacy Policy
  • Advertise With Us
  • Terms & Conditions
Saturday, November 21, 2026
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home News

Pynbna lait kreh Guitar Instructor du ya ki Garo hanla toh ka bhah u Khasi Jaiñtia

Wyrta Staff by Wyrta Staff
October 14, 2024
Reading Time: 3 mins read
A A
0
Share on FacebookShare on Twitter

Ka Employment Monitoring Cell yong ka Khasi Students’ Union da booh ujor ko hakhmat u Director yong ka Directorate of Arts & Culture ka sorkar Meghalaya yeiwa pynlait du iwi i kreh neibynta wow man kam u Guitar Instructor ha ka State Institute of Arts & Culture katkam wa pynbna ha ka Advertisement heiwa yeini i kreh da e bhah du hapoh ka Garo Category khlem da e lang ha ka Khasi-Jaiñtia Category.

Ka seiñ da ong ko wa katkam wa tip ko, hapoh ka Institute of Arts & Culture da em 2 tylli ki kreh yow man kam ki Guitar Instructor wei uwi uwa sikai namo u Instructor toh u Khasi wei uwi won u Garo. Da Advertise ya kani kawi (1) Post ha ka 19-09-24 neidaw wa daw chong-ngiah noh uwi u Guitar Instructor uwa man u Khasi. Kamtæ katkam i long i man yong ka Reservation Policy, ya ini i kreh toh u Advertise neibynta ka KJ Category wei ymtoh u lai ko cha ka Garo Category.

Hadien wa da yaklam wa u Director wa kiwa kreh ka Arts & Culture, da batai ki wa da phah da ka Personnel & AR Department hajrong ini wei kam ka Directorate ym em bor ko hajrong ini i bynta.

Ka seiñ da pyntip ko wa hadien wa da takit bha yeini, da chem wa ka Roster da pynkulmar ko ya kani ka chnat heiwa ya u Garo uwa da yoh kaam ha u snem 2007 da pynpsiah ha ka KJ Category ha ka Roster wei da man ko iwa bakla chiboon. Wei ha kani ka pali wa toh u Advertise biang, da kulmar neidaw wa da toh e bhah cha u Garo uwa da em chwa ha ka KJ Category iwa man wa da noh chiliang ka bhah 100% cha u Garo.

Related posts

Hær ka khlieñ Amur Falcon na Manipur cha Somalia ha ki 101 kynta khlem chong-ngiah

November 21, 2026

Mih pyrtuid ki ar ngut ha ka Electoral Roll ka Bihar wa Meghalaya | Dawa takit ka NGCO

November 21, 2026

Ka seiñ da ong ko leh wa ini i leh ka sorkar da man deiwa kheiñ chadien neibhah ya ka Roster dadep wow ong wym toh pynrehkaam deiwa kheiñ chadien.

Kamtæ da ong wym e laad u wow chah ktah i hok ki Khasi Jaiñtia wei daw yang yei jubab na ka Directorate of Arts & Culture wei daw lai yachem leh ya ka chnat Personnel & AR.

ShareTweetSendShare
Previous Post

Kthang kiwa lai luti na u sarok NH-6

Next Post

1st Division: Jop ka Mooknor Thadmuthlong ya ka Khliehiongriang, khlem em wa jop ha ka yalehke wa bood

Related Posts

News

Hær ka khlieñ Amur Falcon na Manipur cha Somalia ha ki 101 kynta khlem chong-ngiah

November 21, 2026
News

Mih pyrtuid ki ar ngut ha ka Electoral Roll ka Bihar wa Meghalaya | Dawa takit ka NGCO

November 21, 2026
News

Pynmih ka sorkar yei pynbna yow beh kreh ya kiwa sikai kiwa pep lai skur

November 21, 2026
News

Da paan yarap yow chem ya uwa wiar na Mawryngkneng

November 21, 2026
Next Post

1st Division: Jop ka Mooknor Thadmuthlong ya ka Khliehiongriang, khlem em wa jop ha ka yalehke wa bood

Discussion about this post

Wyrta

© 2026 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2026 WYRTA Khubor Hei Ktien Pnar