U Montri Rangbah ka jylla, u Conrad Sangma ynne ka sngi heipor wa wanrah ya ka mang tangka neibynta u 2022-23 da pyntip u wa ka sorkar da dep ko wow pynlut hadooh T. 1,300 klur ha ki soo snem wa da lai yow chna sarok ha ki thaw wa em cha palatsor.
Da pynlut leh T. 2,500 klur yow chna ya 26 tylli ki sarok wa emkaam ha kylleiñ ka jylla. Kini kynthup lang ki ya ka Mairang Rani Godown-Azra Road, ka Rongram-Phulbari Hill Road, ka Dawki Bholaganj Road waka Pasyih-Garampani Road. Da ong u leh wa kiwa boon na kini ki sarok daw pyndep manda kut uni u snem.
Daw pynchna pynheh leh ya ki sarok wa emkaam bha deiwa pynlut T. 800 klur ha u snem 2022-23. Wei kini u kynthup ki ya u saork Jowai-Nartiang-Kdiap-Khanduli Road, u Chokpot-Sibbari Road, u Mawphlang-Mawsynram Road, u Ummulong-Tyrshang-Bamkamar Road, u Anogre-Raksamgre Road, u Umlyngka-Lawmei Road wa u Rongrenggre-Simsanggre-Nengkra Road.
Yow chna ya kini ki sarok thymme wei yow pyndep ya kiwa dang pynchna da booh T. 1,770 klur neibynta u 2022-23, heiwa na kani, T. 519 klur toh ya ka PMGSY, T. 220 klur neibynta ki sarok wa em cha palat sor wei kawa sah won toh ya kiwi won ki sarok hapoh ka jylla.
Da ong u leh wa ha u snem 2021-22 da chna kamwa 2 Km u sarok chi sngi ha ki thaaiñ palatsor.
