20 snem wa 25 snem phah kset ka yung bichaar ya ki ar ngut wa slaitbor khynnah ha East Jaiñtia Hills

Ar ngut ki bru da phah kset ki 20 snem wa 25 snem hapoh ka aiñ POCSO hadien wa slaitbor ki ya ar ngut ki khynnah kynthai.

Uwa chah phah kset 20 snem toh uwa tip kam u Sangi Rai uwa khut siñ kam u Ganesh wa u Popo.

Yei takit ya ini wa jia da leh da ka WPSI. L. Siangshai ka Khliehriat Women Police Station heiyatoh wa i slaitbor uni u bru ya ka khynnah kynthai wei da Charge Sheet oo hapoh ka kyndon 5(m)/6 ka aiñ POCSO ha ka 13-11-2023.

Hadien wa dep u bichaar ka yung bichaar u Special Judge (POCSO), East Jaiñtia Hills District, da rai pynrem deiwa phah kset deiwa pynchitom bha 20 snem hapoh ka Section 6 ka POCSO deilang ka kuna wa Rs. 20,000.

Related posts

Chi rta phah kset ka yung bichaar ya uwa pynyap bru deiwa thlieh da ka wait ha Barato

August 27, 2025

Yoh kem ki pulit ka East Jaiñtia ya ar ngut kiwa khayi Heroin wa chongdor Rs. 60 lak

August 27, 2025

Uwi won toh u Sawan Tangliang uwa da phah kset 25 hapoh ka Section 6 ka aiñ POCSO hadien wa Charge Sheet ya oo ha ka 03-01-23 deiwa takit ka WPSI. L. Siangshai ka Khliehriat Police Station deiwa pynngat hapoh ka kyndon 5(l)(m)(n)/6 ka aiñ POCSO.

Ka yung bichaar u Special Judge (POCSO), East Jaiñtia Hills District hadien wa pyndep yei bichaar da rai pynrem wei da phah kset ko ya u Sawan Tangliang da 25 snem hapoh ka kyndon 6 ka aiñ POCSO deiwa pynchitom joor bha deilang ka kuna wa Rs. 30,000.