U kyrtong ka National People’s Party (NPP) na Nongkrem Constituency uwa man leh u MLA ka Mawhati, u Dasakhiatbha Lamare da pynsñiaw u hadooh 200% i sñiawskem wow jop u ya ka Election na ka Constituency wa thymme.
U Dasakhiat uwa da jop kam u MLA ka Mawhati Constituency ha u snem 2018 wei ha kani ka Election 2023 u yakhun u noh na Nongkrem Constituency, da thap pyrtuid u ynne ka 3 tarik.
Hawa jubab ya i chah pynbaad wa saam poisa wa kymmor hapoh ka Constituency, u Dasakhiat da ong u wa man iwa bakla deiwa pynche wa kiwa pyrchah u pynbaad ki har rukom wei kiwa kyrchaan won u yaroh bait ki.
Da ong chooh chooh u wa i pynbaad saam poisa leh man iwa bakla wei kubur u ya i yarap cha kiwa emkaam deiwa ong leh wa wot kiwa yakhun pyrchah ha ka Election leh e ki kat iwa ye.
