21.1% kiwa yap ha Meghalaya toh nei kjut klongsnaam

Ka World Heart Day toh kawa da lehkmen ha ka 29 tarik u Naikhynde man-u-snem ha kylleiñ ka pyrthai yow pynsñiawthooh ya ki jait kjut klongsnaam, iwa man leh i kjut wa khlan dooh u pynyap bru hapoh ka pyrthai.

Kam chibynta ini da pynmna ya ki pynsñiawthooh paidbah ha ki thaw sumaar wa em hapoh ka jylla Meghalaya yow klam chaphang kini ki jait kjut wei kammon wow yada kamjooh i maa wa mih na kini ki kjut.

Kam chibynta kani ka World Heart Day da pynman ya ka yakob Quiz waka pynsñiawthooh paidbah da ka District NCD Cell hapoh ka National Programme for Prevention and Control of Non-Communicable Diseases (NP-NCD), East Khasi Hills ha KJP Synod Conference Hall, Lachumere.

Ya kani ka Quiz da pynlai da u Dr. Shngainlang Khongsti, Assistant Professor Shillong College kam u Quiz Master heiwa da kylli chaphang kiwa yatoh wa ki kjut klongsnaam heiwa da yoh nyngkong da ka St. Edmund’s Hr. Sec, School, hei wa ar da yoh ka Pine Mount School wei hei wa le da yoh ka Laban Bengalee Boys’ Higher Secondary School.

Related posts

Yoh myntoi ki 58 ngut dei e yarap mynkna ka chnat puræ Physiotherapy ka NEAU

September 14, 2024

Pynbna kyndon ka sorkar ya kitu kiwa wan na ki ri wa em wa yoh Monkeypox

August 28, 2024

Ka kongsan ha kani ka sngi toh ka R.M. Kurbah, Deputy Commissioner ka East Khasi Hills kawa da klam chaphang i kylla i rukom ki bru iwa da duna bha i khih i doh i pran iwa da ktah yei ye yoh ya u klongsnaam wa chait wa khiah ha kani ka juk wa katni.

U Dr. Synrang Warjri, uwa man kam u Cardiologist kamjooh u Administrative Officer Shillong Heart Clinic da khana u chaphang i kjut klongsnaam deiwa ong wa i kiad deiwa dih mula mala ym ktah ko ya u klongsnaam tangwa wanrah won i ya kiwi ki jait kjut.

Kawi na ki phang pyrdi kani ka World Heart Day toh yow pynchlur ya ki khynroo khyllood wow myllien ki ya kiwa bha wa miat.

Hapoh ka jylla Meghalaya kiwa yap na ki kjut klongsnaam toh 21.1% du ha u snem 2018.

Katkam wa chem ka ICMR NCDIR Survey ha kiwa em 15 snem chaneiñ ha u snem 2021:

47.0% toh kiwa pynemkaam duma wei kiwa dih duma toh 31.6% katawa kiwa baam duma toh 20.3%.

32.4% ki chynrang toh kiwa dih kiad katwa ki kynthai won duna bha.

13.9% ki chynrang toh kiwa sngaid bha katwa ki kynthai won toh 11.5%.

Kamwa 21.4% ki chynrang wa 18.7% ki kynthai toh kiwa ku ka Blood Pressure.

13.9% ki chynrang wa 9.5% ki kynthai toh kiwa ku ka chini ki.