August 5, 2020

Em kiwa liwan na baar jylla kiwa khana thok ya ki Phone Number yong ki

Advertisement ad1

U symbood montri rangbah ka jylla u Prestone Tynsong da pynsñiaw u yei sñiawkhia wa em kiwa liwan chapoh ka jylla ki wym khana hok chaphang yong ki nadooh ki Phone Number hadooh ki chnong ki thaw wa sah ki.

Da ong u wa ka sorkar ynne ka sngi da chong yaklam ko ya ini iwa da leh da ki kattu katni kiwa liwan, iwa ym ye u pdiang khamtam ha kini ki por wa emkaam ya i krehlang yong waroh wei neini chakhmat kiwa leh ya ini i khana thok daw pynchitom ya ki katkam ka aiñ.

Da pyntip u wa ya i yutip yong kiwa psiah chapoh ka jylla da chim ha ki Entry Point lane ha ki thaw wa leh yaka Test wei da pynemkaam leh yaka Mobile App yow phah yaka Test Result cha kini kiwa liwan deiwa pynemkaam leh yaka WhatsApp kamjooh deiwa phone, tangwa da chem wa manda phone cha kini ki bru, kini ki Number toh kiwa ym krehkaam kiwa da khana thok hi-eh.

Hawa kylli wa lada ka sorkar ym thooh laad ko wow lait u jia ini, u Prestone da ong u wa i chim pyrtuid, Phone Number pyn ha ki thaw psiah toh iwa smat dooh yow lait u pynjrong pynslem ya kani ka kaam wei da sñiawphylla wa da em ki bru wa da murieh ya ini wa emkaam.