U Montri ka chnat Tourism, u Paul Lyngdoh ynne hapoh ka yung dorbar chna aiñ da pyntip u wa da em 22,991 ngut kiwa uiñke suwari kiwa wan cha ka Shillong Cherry Blossom Festival 2023 wei kini waroh toh kiwa kheiñ kam ki “High Value Tourist” kiwa da sah boon sngi yow lai cha kani ka tamasa katwa kitu won kiwa wan chi sngi te liwan ha ka jooh ka sngi ym em kheiñ ki.
Da ong u wa ka sorkar kwah ko u wan da kiwa uiñke suwari kiwa ye u pynlut poisa heithaw wow wan boon da ki wym ye u pynlut.
Da khana u leh wa da em 1269 ngut kiwa sah ha ki Hotel wa sy’at dor kam ha Vivanta, Marriot, Ri Kynjai neitæ ha ki ha ki Hotel wa rap man pyrdi i sy’at da em 15,205 ngut kiwa da sah ha Tripura Castle, Poinisuk, M-Crown wa kiwi kiwi de.
Ha ki Home Stay wa ki Guesthouse da em 6517 ngut kiwa sah.
Ka dan wa da yoh na kini ki Hotel neibynta u Khonchonglad (Nov), 2023 toh Rs. 1.44 klur wei ha u Naichiphaw ka dan wa da yoh toh Rs. 1.36 klur.
Yeini da jubab yeiwa kylli u MLA ka North Shillong, u Adelbert Nongrum.
Discussion about this post