15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

23 ngut ki MP ka Iran wa yoh ya u COVID-19

0 Comments
Advertisement ad1

Kamwa 8% ki MP ka Iran da yoh ki ya u khñiang COVID-19 heiwa kani ka ri da phah ko 300,000 ngut ki chipai yong ka yow yarap wa ki wakreh wow yaleh pyrchah yei poor uni u khñiang uwa katni da boon bha kiwa yoh oo hapoh kani ka ri bar ya ka ri China.

Ha China, da ong ki wa da sdang jop ki yei poor uni u khñiang heiwa ka World Health Organization (WHO) leh da ong ko ye wow khang kset yei poor uni u khniang katwa u Deputy Speaker ka Iran u Abdul Reza Misri, ynnin da pyntikna u wa 23 ngut ki MP da yoh ki ya ini i kjut.

Ka sorkar da pyntip ko wa kiwa yap da poi ki hadooh 77 ngut wei kiwa yoh ya uni u khñiang da poi ki 2,336 ngut. Da man i leh iwa khuslai ya kani ka ri neidaw boon kiwa yap na kiwa yoh ya uni u khñiang iwa antaad 3.3%.

La arngut ki heh sorkar ka Iran da dep yap ki na uni u khñiang wei hadooh u heh ka ri wa pait yaka Emergency Medical Services, u Pirhossein Kolivand, da yoh kjut u.

Uni u khñiang katni da poor smat bha u ha Middle East, Europe wa South Korea– heiwa ha kani ka ri da em palat 5,000 ngut kiwa yoh ya uni u khñiang wei da khlaad 34 ngut.

Ha China, ki heh sorkar da pyntip ki wa ynnin da em du 125 ngut kiwa yoh thymme ya uni u khñiang, heiwa haka sngi chwa da em 202 ngut halada katæ leh, ka China dang man hi ko ka ri wa boon dooh wa yoh ya uni u khñiang kiwa da poi 80,151 ngut wei kiwa yap da poi ki 2,943 ngut.

Ha pyrthai waroh kawi, uni u khñiang da pynyap u ya palat 3,100 ngut ki bru wei da em palat 90,000 ngut kiwa yoh oo ha ki 60 tylli ki ri wei katwa dang lai ki sngi da sdang boon kiwa yoh thymme ya uni u khñiang cha baar ka China bar ya kiwa yoh oo hapoh China.

Share this:
Previous

Da pyndam 4 kynta yei krehkaam ka Curfew ha thaaiñ PB haka 4 tarik

Next

La 28 ngut wa yoh ya u COVID-19 ha India: MOHFW