U montri ka chnat a Ministry of Health and Family Welfare (MoHFW) ka ri, u Dr. Harsh Vardhan ynne ka sngi da ong u wa da em la 28 ngut wa da yoh ya u khniang COVID-19 hapoh India.
Da ong u wa u bru wa yoh ya uni u khñiang ha nongbah New Delhi da pynpoor u ya u COVID-19 cha ki 6 ngut ki dkhot ka yung u ha Agra, Uttar Pradesh.
U Dr. Harsh da ong u leh wa 16 ngut ki nong Italy kiwa wan uiñke cha ka ri da yoh ki ya uni u khñiang wa uwa yah kari ya ki.
Waroh kiwa da em ya u COVID-19 da em ki 28 ngut kattu.
Ya kiwa da pyntikna wa em ya uni u khñiang daw chah sumaar ki ha AIIMS.
Kiwa da yoh wei da pyntikna wa em ya u COVID-19 toh ha Jaipur, ha Delhi wa ha Hyderabad.
Wa kini wa da pyntikna ynne kiwa yoh ya u COVID-19 hapoh ka ri da kynjoh ki cha ka 28 ngut.
Na kini em 3 ngut won na Kerala da yoh ki ya uni u khñiang ha u bnai wa dadep wei hadien wa chait ki da pynlait noh ya ki na ki thaw sumaar.
Discussion about this post