Ka Supreme Court ynne da phah ko yaka sorkar pyrdi wow jubab ya ki mukotduma kiwa da yaleh pyrchah yaka aiñ Citizenship (Amendment) Act (CAA), 2019 deilang wa ki CAA Rules 2024 heiwa da e por le tayaaw wow phah yei jubab.
Yeini da chong bichaar da le ngut ki Judge wa kynthup ya u Chief Justice of India, u D. Y. Chandrachud, u Justice JB Pardiwala wa u Justice Manjoj Misra heiwa da em 237 tylli ki mukotduma kiwa da yaleh pyrchah ya kani ka aiñ deilang wa 20 tylli ki Application.
Ya kani ka chong bichaar da pynkut hadien wa u muktiar ka sorkar pyrdi da ong u wow jubab ya 237 tylli ki mukotduma deilang wa ki 20 tylli ki Application toh iwa daw chimpor, deiwa ong u leh wa kani ka aiñ ym em pyndooh ko yei man tre chnong yong uwon uwon heiwa nyngkong da paan por u soo tayaaw yow jubab yeini.
Tangwa u muktiar kiwa yaleh mukotduma da ong u wa soo tayaaw toh iwa da chimpor ware neibhah lada em kiwa yaleh wow man kam ki tre ri ha kini ki sngi ym ye de u pynkylla wei kani ka aiñ toh kawa da krehkaam.
Da kyntu leh hakhmat ka Supreme Court wa ha kini ki por ym pu toh u e hok man tre ri ya kiwon kiwon kiwa yaleh heiwa u Chief Justice da ong u wa ka sorkar kamwa man kattæ ym em ko iyi iyi wa da pynkhrheh wow e yei hok man tre ri wei ym em leh ki Committee ki wow bichaar ya ki Application kiwa yaleh man tre ri.
Hei khaddooh ka Supreme Court da e por ko yaka sorkar pyrdi le tayaaw wow jubab.
Ya ki mukotduma da yahkhmat da ka Indian Union Muslim League (IUML) kawa man kam ka Political Party kawa na Kerala, neitæ ka Democratic Youth Federation of India (DYFI), uwa yahkhmat ka Congress, u Jairam Ramesh, kawa yahkhmat ka TMC, ka Mahua Moitra wa u heh ka AIMIM, u Asaduddin Owaisi.
Neiliang ki jylla ka North East, da lai yaleh mukotduma da ka NESO.
Kam wow pynkynmoo wa neiliang u Home Minister ka ri, u Amit Shah hadien wa pynbna ya ki Rules ka CAA da ong u wa ym em wow ye u yaleh pyrchah ya kani ka aiñ.
Discussion about this post