U symbood montri rangbah ka jylla u Prestone Trynsong da pyntip u wa na ki 73 ngut ki sniang kiwa yap hapoh ka jylla, 24 tylli toh kiwa da yoh yaka Test Report kawa da pyntikna wa yap ki na i kjut African Swine Fever.
Yaka Test Result ki 49 tylli ym pu em yoh kawa da phah leh ha Khanapara, Assam wei haka yalang sorkar ynne ka sngi da rai wow pynbna ya ki chnong wa yap ki sniang kam ki Containment Zone.
Da pyntip u leh wa ini i yap ki sniang da jia i ha kini ki 2 bnai tam ha ki 12 tylli ki chnong wa em ha East Khasi Hills, Ri Bhoi, West Jaiñtia Hills wa ha West Khasi Hills katwa kiwa yap ha East Jaiñtia Hills da ong u wa ym toh na ini i kjut.
Chooh chooh da ong u wa ka hukum wow pynbna kam ki Containment Zone dang pynkhreh yaka wei daw pynbna noh ym slem de.
Heiyatoh waki Containment Zone da ong u wa da leh yow lait u poor ini i kjut hapyrdi ki sngi heiwa ha ki chnong wa pynbna kam ki Containment Zone da khang wow pynyap sniang, u dai sniang wei wow baam doh sniang. Chooh chooh da ong u wa hapoh ka jylla da khang wow challan sniang na kawi ka District cha kawi kamjooh chapoh ka jylla neidaw wa ini i kjut smat i wow poor para sniang tangwa ym toh iwa yabi cha ki bru.
Da suba wa ini i kjut ki sniang da wan i na Assam.
