theme-sticky-logo-alt
theme-logo-alt
Advertisement ad1
Advertisement ad1

25 tylli ki jylla wa pynhiar dor phñiang kari, toh dor dooh ha Andaman & Nicobar

Advertisement ad1
Advertisement ad1

Ka Ministry of Petroleum & Natural Gas ka sorkar pyrdi da pyntip ko wa 25 tylli ki jylla deilang wa ki Union Territories da dep chim ki yei rai wow pynduna ya ka VAT wa da kheiñ hei Petrol wa Diesel yow pynstiñ yei yukit ki paidbah hadien wa ka sorkar India da pynhiar ko yei dan Petrol wa Diesel kawa tip kam ka Central Excise Duty da T. 5 yei Petrol wa T. 10 yei Diesel ha ka 3 tarik uni u bnai. Heiwa hadien ini kiwa boon ki jylla da pynhiar ki yei dan Petrol wa Diesel kawa da kheiñ hei dur ka VAT.

Ki jylla wa ki UT ki wym em pynhiar dor ya ka VAT i Petrol wa Diesel toh ka Maharashtra, NCT ka Delhi, West Bengal, Tamil Nadu, Telangana, Andhra Pradesh, Kerala, Jharkhand, Chattisgarh waka Rajasthan. Ha Lakshadweep, ka sorkar UT da chim phñiang kari ko naka Kerala kawa da dep wow kheiñ chwa ya ka VAT. Katkam wa man kattæ ym em dan Petrol wa Diesel hapoh kani ka UT.

Advertisement ad1

Hadien wa ah ya ka VAT, i heh dooh wa hiar dor i Petrol toh ha Punjab da T. 16.02 chi litre, iwa pynbood da T. 13.43 ha UT ka Ladakh wa T. 13.35 ha Karnataka. I Petrol wa toh dor dooh toh ha Andaman & Nicobar iwa T. 82.96 chi litre iwa pynbood da T. 92.02 ha Itanagar, Arunachal Pradesh. I Petrol da chong dor i T. 117.45 chi litre ha Jaipur, Rajasthan wa T. 115.85 ha Mumbai, Maharashtra.

Heiyatoh wa i Diesel, iwa boon dooh wa hiar dor toh ha UT ka Ladakh iwa hiar da T. 19.61 chi litre, iwa pynbood da T. 19.49 ha Karnataka wa T. 19.08 ha Puducherry. I Diesel toh dor dooh i toh ha Andaman & Nicobar iwa T. 77.13 chi litre, wei T. 79.55 chi litre ha Aizwal, Mizoram. I dor Diesel da man i T. 108.39 chi litre ha Jaipur, Rajasthan wa T. 107.48 ha Vizag, Andhra Pradesh.

Puræ leh: I dor Petrol wa Diesel toh iwa duna dooh ha Meghalaya ha waroh kawi ka ri: Prestone

Share this:
Previous

Chimkhia ka LJP wow thoh cha u Conrad neibynta ki khynnah Class-XI wa dooh thaw puræ

Next

Wan wai u Eugeneson ya ka lympung yaleh bol ka St. Joseph’s Secondary School Nongtalang