Hadien wa da pyndep lut yei niaw Vote ynne ka sngi wei da pynbna wei da pyntikna ya kiwa jop. Ka NPP da man ko kam ka Party wa boon dooh kiwa yoh MLA heiwa waroh da jop ki 26 ngut, pynbood sa ka UDP 11 ngut, mar 5 ngut ka TMC wa INC, 4 ngut ya ka VPP wa mar arngut ya ka BJP, PDF waka HSPDP wei da em leh ar ngut ki kyrtong wa khlem seiñ namo ki Independent Candidate wa jop.
Na ki 22 ngut ki MLA ka NPP 18 ngut toh kiwa na Ri-loom Garo Hills donhi.
Na Ri-loom Jaiñtia da yoh ko 4 ngut ki MLA kiwa 3 ngut na West Jaiñtia Hills wa kawi na East Jaiñtia Hills.
Na Ri-Bhoi da jop ko ha ar tylli ki Constituency kattæ ha Jirang wa ha Umroi.
Katwa na Ri-loom Khasi waroh kawi da jop ko du arngut donhi kitæ ha Pynursla wa ha East Shillong.
Ka NPP da emkaam ko sa du 5 ngut donhi yow yoh u chna sorkar wei lada bien biang ka UDP u ya krehlang itæ mut da skem ka sorkar lait noh deiwa kyntait ka UDP ka ka NPP tangwa daw hap ki wow ya krehlang waka TMC, INC, BJP, VPP, PDF, HSPDP yow poi 31 ngut wei lada psiah sa ki kyrtong samen mut kattæ dapoi ki 33 ngut.
Tangwa ka sorkar synrop ka wow em 8 tylli ki sieñ deilang wa ki kyrtong samen eh bha u skem ko.
Ha kini ki kynta wow wan daw yoh yei jubab heiwa ka UDP kamwa jia ha u 2018 daw man ko ka wow rai yei yi u pynman syiem.
