15 49.0138 8.38624 1 0 4000 1 https://wyrta.com 300 0

28 tarik ka General Conference ka PDF, ym pu em u rai kyrtong na Shella

0 Comments

Shillong: Ka People’s Democratic Front (PDF) da pyntip ko wa ka General Conference yong ka Party waroh kawi u man ko haka 28 uni u bnai ha Wahingdoh Community Hall nadooh i por 10 waje i step.

Kamtæ neiliang ka Party da khut ko ya waroh kiwa kitkaam wa kiwa kyrchaan ka Party wow ya poi cha kani yalang yong lang wa chi sien chi snem ka Party.

Ha kawi won ka liang, u Working President ka PDF, u Banteidor Lyngdoh, uwa man leh u montri ka sorkar jylla, da pyntip u wa ka Party daw pynyieñ kyrtong ko neibynta ka Election chiteiñ samoi cha ka yung dorbar chna-aiñ ka jylla Meghalaya na Shella Constituency.

“U pynyieñ kyrtong i neibynta ka Election chiteiñ samoi na Shella tangwa ym pu em rai ya u kyrtong neidaw wa dang bichaar bniah ya ki kyrtong kiwa wan paan Ticket kiwa em le ngut”, da ong u Banteidor Lyngdoh.

“U rai i hapoh chi sngi ar sngi neibhah i kwah i ya u kyrtong wow man uwa jop ha kani ka Election chiteiñ samoi,” da ong uwa yahkhmat ka PDF. Ka PDF katni em ko soo ngut ki MLA ha ka sorkar MDA.

Ka PDF da wan wa ar ko ha ka Election MLA 2018 na kani ka Constituency.

0 Comments

Leave a Reply