Ka Krishi Udan Scheme 2.0 kawa da pynbna ha u 27-10-21 yow pynsuk yei kit i bah ya ki mar-baam, mar-rep khamtam ha ki thaw ri-loom, ki jylla ka North East wa ki thaw wa em ki jaitbru ri-loom, wei yow ye u leh yeini deiwa kit ya ki mar-rep da ki lieñsuiñ, ka Airports Authority of India (AAI) da pynlait ko naka bai Landing, Parking, Terminal Navigational Landing Charges (TNLC) waka Route Navigation Facility Charges (RNFC) neibynta ki lieñsuiñ wa kit mar wa kiwa kit bru namo ki Indian Freighters and P2C (Passenger-to-Cargo) ha ki 25 tylli ki Airport deiwa pait kyrpang ya ki jylla ka North East, ki thaw wa man loom, ki thaw wa em ki jaitbru ri-loom wa 28 tylli ki Airport ha kiwi ki thaaiñ ka ri.
Ka Krishi Udan Scheme toh kawa krehkaam lang ki 8 tylli ki Ministries/Departments wa kynthup ya ka Ministry of Civil Aviation, Department of Agriculture & Farmers’ Welfare, Department of Animal Husbandry and Dairying, Department of Fisheries, Ministry of Food Processing Industries, Department of Commerce, Ministry of Tribal Affairs, Ministry of Development of North-Eastern Region (DoNER) yow yarap pynkhih ya ki mar-rep lyngba kani ka Scheme. Ym em leh booh hadooh katwon wow pynlut poisa hapoh kani ka Scheme.
Ki 29 tylli ki jylla wa em hapoh ka Krishi Udan 2.0 Scheme toh ka Andaman & Nicobar, Andhra Pradesh, Arunachal Pradesh, Assam, Bihar, Chandigarh, Chhattisgarh, Goa, Gujarat, Himachal Pradesh, Jammu & Kashmir, Jharkhand, Kerala, Ladakh, Lakshadweep, Madhya Pradesh, Maharashtra, Manipur, Meghalaya, Mizoram, Nagaland, Punjab, Rajasthan, Sikkim, Tamil Nadu, Tripura, Uttar Pradesh, Uttarakhand wa West Bengal.
Waroh ki Airport ha ki jylla ka thaaiñ mihsngi wa kynthup ya ka Assam da em ki hapoh kani ka Scheme. I thong wa kongsan ka Krishi Udan Scheme 2.0 toh yow pynboon yei bhah ki lieñsuiñ deiwa pynemkaam lang wow kit bru wa ki mar-rep nadooh ki soh, ki syntu, ki dakha, ki mrad wa ki baam.
