2nd Division EJHDFA: Jop ka Iatyllilang Hingaria waka Kairang

Ka 2nd Division 2023 ka East Jaiñtia Hills District Football Association (EJHDFA) da pteiñ biang ya ka ynne ka sngi da le tylli ki yalehke.

Ha ka yalehke wa sdang hapyrdi ka Jalyiah United SC waka Tuber Kmaishnong SSC da kut ko da 1-1.

Ya ka Jalyiah da thap kool da u Tanlang Dkhar haka minit wa 34 katwa ya ka Tuber Kmaishnong da thap da u Tony AR Phawa haka minit wa 9.

Ka Iatyllilang Hingaria da jop ko yaka Dkhiah West SC da 1-0 lyngba ka kool wa thap u Zidane Lamin.

Related posts

MSL-5: Jop ka Rymbai Shkenshynriah ya ka Jalaphet Moochut Pyrdung

April 17, 2026

MSL-5: Phra tylli ki yalehke wa da pynman ynne ka sngi

April 16, 2026

Ka Kairang SC won da jop ko yaka Tongseng Youth SSC da 2-1.

Ya ka Kairang da thap kool da u Sngewlang Rymbai haka minit wa 40+2 wa u Rimon Nongtdu haka minit wa 72 katwa ya ka Tongseng Youth da thap da u Daoshwa Amse haka minit wa 78.

Ka Iatyllilang Hingaria da ini i jop da yoh ko wow psiah cha ka Quarter Final na ka Pool A kani ka 2nd Division deilang waka Kairang SC, ka Diengshynrum SC waka Ladrymbai Dongwah SC na ka Pool B.

Ki yalehke wa bood u pynman ha ka 22 tarik le tylli kiwa daw sdang da ka Iongkaluh SCSC waka Lakadong Umlatdoh SSCC heipor 10:00 waje i step, Ka Tuber Kmaishnong SC u yachem ko waka Sutnga Mission SSCC heipor 12:00 waje pyrdi sngi wei daw pynkut da ka Iapmala UTD SC waka Iatyllilang Hingaria heipor 2:00 waje i sngi.