3rd Division: Psiah Semi sa ka Mukhla Umlangchor, Moodop waka Madan Kynsaw Mookyndeng

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia District Sports Association (WJDSA) ynne da pyndep ya 3 tylli ki yalehke Quarter Final wa dang sah.

Ha ka yalehke wa nyngkong, ka Mukhla Umlangchor da jop ko yaka New Hill da 1-0 lyngba ka kool wa thap u Rynkat Sumer haka minit wa 84.

Ha ka yalehke wa ar ka Moodop Royal da jop ko yaka Pateinki Sabah da 2-0 da ki kool wa thap u Harvestar Dhar haka minit wa 53 wa u Lakhon Shylla uwa da thap bakla ha ka minit wa 75.

Ha ka yalehke wa le won, ka Madan Kynsaw Mookyndeng da jop ko ya ka Da-I-Hi Mynsngat da 1-0 da ka kool wa thap u Damechan I Sayoo haka minit wa 63.

Related posts

Yoh ka Pipilmoris Wanniang wow man kam ka Category 5 National Football Referee

July 21, 2026

Pynrem ka Sindhu ya ka World Champion wow rah ya ka Japan Open

July 19, 2026

Ini mut wa kattu kiwa da psiah Semi Final toh ka Madan Thadmuthlong, Mukhla Umlangchor, Moodop Royal waka Madan Kynsaw Mowkyndeng wei ya ki yakhun Semi Final daw pynman waroh ar ha kani ka 21 tarik.

Ka Madan Thadmuthlong u yachem ko waka Mukhla Umlangchor heipor 1:00 waje i sngi katwa ka Moodop Royal u yachem ko waka Madan Kynsaw Mookyndeng heipor 3:00 waje i sngi.