Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), da poi ko cha ka yalehke wa 18 ynne ka sngi.
Ka yalehke toh kawa da pynman hapyrdi ka Khliehiongriang wa ka Dongmihsngi, heiwa ka Khliehiongriang da jop ko da 1-0.
Ya ka kool ka Khliehiongriang da thap da u Kerlang Dkhar ha ka minit wa 50.
Mynstep ka yalehke u man ko hapyrdi ka Khliehmynkrem wa ka Phramer heipor 3:00 waje i sngi.
