theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

2nd Division: Psiah Semi Final ka Mookyndur waka Khliehiongriang

Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), da poi ko cha ki yakhun Quarter Final heiwa da pynman artylli ynne ka sngi.

Ha ka Quarter Final wa nyngkong da pynman hapyrdi ka Khliehiongriang waka Lion Sports & Youth Affairs heiwa ka Khliehiongriang da jop ko da 1-0 da ka kool wa thap u Arwanki Dkhar ha ka minit wa 73.

Advertisement ad1

Ha ka Quarter Final wa ar won, ka Mookyndur da jop ko ya ka Nangbah Sports Association da 2-1.

Ka yaleh da kut ko khlem em wa yoh u thap kool ha ka kylla step heiwa ha ka kylla miet ka Nangbah Sports Association da yoh ko wow pynkhih nyngkong ya ka jaar da ka kool u Ewanmi Pasi ha ka minit wa 50 tangwa ka Mookyndur da pynuiñ ko ar kool ha ka minit wa 60 lyngba u Jomsing Pariat wa ha ka minit wa 78 lyngba u Provi Suting.

Mynstep ka 4 tarik leh daw pynman biang ar tylli ki yalehke Quarter Final heiwa ka Phramer daw yachem ko waka Iawmulong Nartiang heipor 2:00 waje i sngi katwa ka Panaliar daw yachem ko waka West Madan Mustem heipor 4:00 waje noh chariñ ka sngi.

Advertisement ad1
Share this:
Previous

Phah ka HNLC ya ki heh wow yaklam yasuk deiwa chaniah ya ka sorkar

Next

Sdang i pynsñiawthooh ha man ki skur yow man ka chnong Jowai wa khooid