theme-sticky-logo-alt
theme-logo-alt
Advertisement ad1

2nd Division: Psiah Semi Final sa ka Iawmulong Nartiang waka West Madan Mustem

Advertisement ad1

Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), ynne da pyndep ya ki yakhun Quarter Final kiwa dang sah.

Nyngkong da pynman hapyrdi ka Iawmulong Nartiang waka Phramer heiwa ka Iawmulong da jop ko da 6-3.

Ya ka Iawmulong Nartiang da thap da u Sambormiki Nongtduh ha ka minit wa 20 wa 80+5, u Bani Ioo Shadap ha ka minit wa 36, u Ebanskhem Nongtduh ha ka minit wa 50, u Shemphang Phalangki ha ka minit wa 75 wa u Jngaiki Lyngdoh (OG) ha ka minit wa 27.

Ya ka Phramer da thap kool da u Francis Sumer ha ka minit wa 34, u Riki Suchiang ha ka minit wa 63 wa u Shibormi Suchiang ha ka minit wa 70.

Ha ka Quarter Final wa khaddooh, ka West Madan Mustem da jop ko ya ka Panaliar da 2-1. Ya ka West Madan Mustem da thap kool da u Sumioo Tariang ha ka minit wa 3 wa 77 katwa ya ka Panaliar da thap da u Obram Sumer ha ka minit wa 59.

Advertisement ad1
Share this:
Previous

Da pynman ya ka Meghalaya Next Leaders Workshop

Next

Ka Dr. Ampareen u psiah noh ko cha ka NPP