U Montri Rangbah ka jylla, u Conrad K. Sangma da ong u wa ka jylla toh u tip ko ya ki sap wa i bor ki bru samen khnang wow pynjanai yei sap yong ki.
Ya ini da ong u ynne ha ka yalang Meghalaya Next Leaders Workshop ha State Convention Centre, Shillong ya kawa da pynman da ka yung krehkaam Development Commissioner’s Office wa ka NITI Aayog’s Development Monitoring Office.
Kani ka Workshop toh kawa e yarap poisa na ka Bill and Melinda Gates Foundation.
U Conrad hawa e yei klam da ban joor u hajrong i yatylli wei i emkaam wow kreh chirup, da ong u wa ki chnat sorkar ymtoh u kreh ki samen tangwa emkaam yei krehlang wa kiwi ki chnat khnang wow yoh ya u soh wa jop.
Kani ka Workshop da pynman ya ka hajrong ka phang “Building a capable learning state” heiwa da chimbynta leh da u Dr. Michael Woolcock, na ka Problem Driven Iterative Adaptation (PDIA), u Dr. Aron Manoharan na Suffolk University, Massachusetts wa kiwi kiwi.
