Ka Pnar Student Movement (PSM) da e ko yei kyrchaan yeiwa chem ka KSU wa ki kattu katni ngut ki pulit wa chim kabu hei wow khrong poisa pyrchah aiñ khlem da yoh bor ha ki kattu katni ki bynta u National Highway 6.
Ka PSM da ong ko wa kamwa da yoo ha ki laad pathai khubor katkam wa da pynche u SP ka East Khasi Hills District, u Vivek Syiem wym em ka aiñ wow khrong poisa pyrchah aiñ ki pulit ha ki luti syngkieñ wei da ong u wa ki kaamram ki pulit toh wow yieñ ha sarok deiwa rahlang wa ki tiar yow leh ya ka Checking yow e yada ya ki paidbah donhi, wei wot ha ki por wa dadep neiliang ka Director General of Police (DGP), ka Idashisha Nongrang leh da pynmih ko ya ka hukum wym em aiñ wow khrong poisa ki pulit na ki kari.
Katwa kamtæ neiliang ka seiñ PSM da kyntu ko ya waroh ki Check Gate kiwa em nadooh East Jaiñtia Hills hadooh West Jaiñtia Hills wym toh u khrong poisa pyrchah aiñ ki, neibhah kani daw ktah ko ya ki paidbah waboon walang heiwa daw ku dor ki mar ki mata.
Heiyatoh wa ini, ka PSM da booh ko yei maham ya waroh ki Check Gate kiwa em nadooh East Jaiñtia hadooh West Jaiñtia Hills District wym hoi u tyngkheiñ ki ya ka aiñ katkam wa da pyntip wot da ka DGP wym hoi u khrong poisa wei lada lada chem ya kam kini ki pulit wa chim kabu lane ki Check Gate kiwa khrong poisa, neiliang ka seiñ daw pyrkhat ko da kawi tawon ka luti.
Ka kyrwoh na u Publicity Secretary ka seiñ, u S. Lakiang.
Discussion about this post