Neiliang u Sampath Kumar u Commissioner & Secretary, Health & Family Welfare Department ka sorkar Meghalaya da pyntip u wa uwa yap nyngkong na u COVID-19 hapoh ka jylla Meghalaya u Dr. John L Sailo Ryntathiang uwa man leh u Director ka Bethany Hospital, Nongrim Hills, Shillong da khlaad u ynne heipor 2:30 i step.
Da pyntip u wa nadooh wa tip yeiwa em uwa yoh COVID-19 ha Shillong, da pyllang ya iwa emkaam (Sample) na 185 ngut ki bru, heiwa 165 ngut toh kiwa na East Khasi Hills wa 24 ngut na Nongpoh, Ri-Bhoi.
Ya kini ki Sample da Test nyngkong (First Batch) 68 tylli heiwa da pyntikna wa 6 ngut toh kiwa man Positive iwa mut kiwa em ya uni u khñiang COVID-19.
Da em won sa 6 ngut kiwa da phah Test biang yow pyntikna yeiwa da chem (Result).
Da pyntip u leh na kini kiwa da em ya uni u khñiang, 3 ngut toh ki kynthai, 2 ngut ki chynrang wa iwi i khynnah.
Ka Result yong kiwi toh kiwa dang yang na NEIGHRIMS, GMC Guwahati wa na Barpeta Medical College. Da hap phah cha Guwahati wa cha Barpeta toh neidaw wym ye de u pyndep smat ha NEIGHRIMS neidaw wa man iwa jhan.
Discussion about this post