U bhang wa khia palat 3 Ton (3,243 Kg) da yoh wow kem da ki pulit ka Karimganj, Assam ynnin i janmiet ka 17 tarik na kawi ka Truck kawa da chah ksoh da ki pulit ha Churaibari Watch Post hajan u pood wa ka Tripura heiwa da kem leh ya uwi u bru.
Kani ka Truck toh kawa wan na Tripura wei manda wai ya ka thaw booh mar (Container) da ki pulit wa pynsangeh kari da chem toh kawa em boon tylli ki yusong wa da song hapoh churia iwa da pynsuba ya ki pulit kiwa da rai wow wai ya ki kattu katni heiwa da chem toh kiwa em da u bhang hapoh.
Da antaad wa uni u bhang toh uwa chongdor hadooh T. 15-16 klur.
Katkam ki kot ki sla, kani ka Truck toh kawa da mih na Tripura yow lai cha Guwahati wei uwa yah uwa da kem noh toh uwa chong chnong ka Tripura wei ki pulit da ong ki wa ym slem de daw kem chooh ya kiwi.
