30 chnong wow myntoi na ka Raliang GWSS, u chna leh ya ka Fire & Emergency Service Station 

Ynne ka sngi u Montri Rangbah ka jylla da wan wai u ya le tylli ki mooyurim ki kreh hapoh Raliang hei emlang u Montri ka chnat Tourism, u Sñiawbhalang Dhar, u MLA ka Raliang, u Comingone Ymbon wa kiwi kiwi. 

Kini ki kreh kynthup ki yow chna ya ka Raliang Fire and Emergency Service Station, i chna ya ka Raliang Wayside Amenities kawa man ka thaw baam thaw booh dukan ha rood sarok wow yarap ya ki kaam uiñke suwari wei da wai leh ya u mooyurim wa da dep chna ya ka Raliang Greater Water Supply Scheme kawa da sahteiñ da boon snem.

Ha kani ka sngi da yoh i klam na ka Beautiful Suchiang kawa man ka Secretary ka Iaraplang SHG na chnong Mulieh heiwa da khana ko ya ka parom wa da lai luti ko wei kammon da yoh myntoi ko na ki chnat sorkar wei da pynchlur ko ya kiwi wow wai ya ki Bank Account yow yoh ya kini ki myntoi. Da kyntu ko ya kiwi ki kynthai wow yaryngkat wa ki chynrang la ha i khih i kreh wa kiwi ki jait kaam. 

U Comingone Ymbon hawa e yei klam ynne ka sngi da pynsñiaw u wa ka Fire Service ha ka thaaiñ em ko du kawi donhi ha Saphai wei ynne da mankaam sakhiat i dawa heiwa da yoh u chna noh ya kani ka Fire and Emergency Service ha Raliang iwa da angnood ki paidbah da boon snem. 

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Heiyatoh wa ka Greater Raliang Water Supply Scheme kawa T. 21 klur, da ye wow pyndep ya ka du hapoh chisnem donhi hadien wa sahteiñ i kreh da ki phaw snem nachwa weiwa daw yoh myntoi ki 30 tylli ki chnong na kani ka Scheme. Da kyntu u ya ki paidbah wow krehlang wa ki chnat sorkar kamjooh leh wow pynman ya ki chnong kiwa khooid. 

Neiliang u Conrad Sangma hawa e yei klam da ong u wa kani ka sorkar katni da kreh ko wow pynman ya ka jylla kam ka Best State ha ka ri deiwa wanrah chiboon ki Mission wa ki thong krehkaam. 

Da batai u kammon u myntoi ki warep, ki khynroo khyllood wa ki manbei na ki Scheme wa har rukom wa wanrah ka sorkar MDA hapoh i yahkhmat ka NPP. 

Heijooh i por da kyntu u ya ki khynroo, ki SHG wa kiwi kiwa yoh myntoi wow man kiwa kreh chitom wei wow pynemkaam hok ya ki yarap wa yoh na ka sorkar khnang wow ku i yoh i laa yong ki ha iwon iwon i kreh khnang wow myntoi ka yung ka sem yong ki. 

Ha kani ka sngi da saam leh ya ki Cheque cha ki SHG wa ki Producers Group hapoh yong ka FOCUS+, YESS wa ka NRLM CIF, ki khon syiar wa ki khon sñiang hapoh yong ka PROGRESS.  

Ha kani ka sngi da yoh ya ki kyntien pdiang burom na u Project Director ka DRDA, West Jaiñtia Hills, u PK Boro wei da pynphooh ya kani ka sngi da i chaad.