Ki dkhot ka Meghalaya Commercial Truck Owners and Driver’s Association (MCTODA), da yoh jamin ki ynne i janmiet hadien 4 sngi wa da chah kem ha ki pulit ka East Khasi Hills, hajrong i pynbaad wa pynkulmar ha i thaw pynman yakhih ha Mawryngkneng.
Kiwa yahkhmat ka MCTODA kynthup ki ya u President, u Mosklandar Marngar, u Teibor Marngar, u Thrangbor Lyngdoh wa u Heibor Pariat, wei hawa yoh jamin ki da wan choo ki da kiwa ha-yung ha-sem wa kiwa yahkhmat ka seiñ nadooh ki tre Truck wa kiwa yah Truck.
Hawa pyrchang wow yaklam wa ki laad pathai khubor, neiliang u Mosklandar da ong u wa ym ye u ong iyi iyi tangwa daw klam u hadien ka rai paidbah ha Mawryngkneng. Wei neiliang kiwa yahkhmat ka MCTODA da lai ki cha Mawryngkneng yow yachem wa kiwi ki para dkhot yow chim rai.
Kam wow pynkynmoo wa kini ki soo ngut da chah rah ki ha ki pulit ha ka 6 tarik wei ki pulit da pynngat ki ki ha 4 tylli ki mukotduma heiwa da lai paan jamin ki ynnin ka sngi wei da yoh ki wow mih ynne ka sngi napoh patok.
Discussion about this post