Ka Jaiñtia Tribal Trader’s Association (JTTA) ynne da pynman ko ya ka yalang paidbah yong kiwa chong yaaw kiwa em Permit na ka JHADC chwa wow kyrriah ya ka Iawmusiang cha laad Stadium, heiwa ya ka yalang da pynman ha Yungwalieh warim ka Dorbar Chnong Dulong.
Chwa wow sdang ka yalang, u President ka JTTA, u Iatha Najiar da pynsñiaw u wa ha ka 28 tarik u April da em ka yalang paidbah ka seiñ ha Yungwalieh ka Tpep Pale, heiwa ha ka 9 tarik u March da e kti ya ka chithi cha ka JHADC wow paan i pynche heiyatoh wa i em ki dukan ha ka Iawmusiang Shopping Complex deiwa e por ya ka Council 15 sngi wow jubab ko.
Neiliang ka JHADC da jubab ko ha ka 31 tarik u March heiwa i jubab man i iwa ymye u pdiang neibhah wa ka Special Officer ka Council da ong ko wa i kreh katni dang em i ha kti ka PWD.
Ynne ha ka yalang da chim ya i rai wow thoh khaddooh dooh cha ka Council wow paan pynche heiyatoh wa ki dukan namo ki Stall wa em ha ka Iawmusiang Shopping Complex hapoh 10 sngi.
Da maham leh leh wa lada ym jubab ka Council yeini, neiliang ka JTTA leh daw thooh ko da kiwi ki laad.
Discussion about this post