3108 tylli ki kreh pulit pynbna ka sorkar kiwa da yabhah katkam ka Reservation Roster

Ka chnat Home (Police) ka sorkar Meghalaya da mynjur ko wow pynbna 3108 tylli ki kreh pulit kiwa lait wei da yabhah ki katkam ka Reservation Roster wei kini ki kreh toh yong ki UBSI, UBC, ANB-BNC, Fireman, MPRO, Driver Constable, Signal Operator, Mechanical wa Follower.

Haka UBSI ki kreh wa lait waroh da em ki 76 tylli heiwa 12 tylli toh neibynta ki Unreserved, ya ki Khasi wa Jaiñtia 30 tylli, ki Garo 31 tylli wa 3 tylli won ya ki OST wa SC.

Neibynta ki UBC ki kreh wa lait toh 720 tylli kiwa 108 neitbynta ki Unreserved, 228 neitbynta ki Khasi wa Jaiñtia, 228 tylli neibynta ki Garo wa 36 neibynta ki OST wa SC.

Kam ki Fireman won da em 195 tylli ki kreh wa lait kiwa 29 tylli neibynta ki Unreserved, 78 tylli ya ki Khasi wa Jaiñtia, 78 tylli ya ki Garo wa 10 tylli ya ki OST wa SC.

Related posts

Kwah u George wow psiah biang cha ka Congress yow yakhun MDC

December 23, 2024

Pynbna ka NPP sa 6 ngut ki kyrtong MDC cha ka JHADC

December 23, 2024

Ki Driver Fireman won da em 53 tylli ki kreh wa lait heiwa neibynta ki Unreserved da em 8 tylli, ya ki Khasi wa Jaiñtia 21 tylli, ki Garo 21 tylli, ki OST wa SC won 3 tylli.

Neibynta ki MPRO Operator ki kreh wa lait toh 205 tylli kiwa 31 tylli neibynta ki Unreserved, 82 tylli ya ki Khasi wa Jaiñtia, 82 tylli ya ki Garo, 10 tylli won ya ki OST wa SC.

Yow man kam ki Signal Operator won da em 56 tylli ki kreh wa lait heiwa 9 tylli toh neiynta ki Unreserved, 22 tylli ya ki Khasi wa Jaiñtia, 22 tylli ya ki Garo wa 3 tylli neibynta ki OST wa SC.

Ya ki ABC/BNC/Handyman won da em 1494 tylli ki kreh wa lait heiwa 224 tylli toh neibynta ki Unreserved, 598 tylli ya ki Khasi wa Jaiñtia, 597 tylli ya ki Garo wa 75 tylli ya ki OST wa SC.

Kam ki Driver Constable won da lait kreh 143 tylli heiwa na kini 21 tylli toh ya ki Unreserved, 58 tylli ya ki Khasi wa Jaiñtia, ya ki Garo 57 tylli katwa ya ki OST wa SC won 7 tylli.

Kam ki Mechanic Constable da em 26 tylli ki kreh wa lait heiwa 3 tylli toh ya ki Unreserved, 11 tylli ya ki Khasi wa Jaiñtia, 11 tylli ya ki Garo wa iwi ya ki OST wa SC.

I kreh Follower won da em 140 tylli kiwa lait heiwa ya ki Unreserved da em 21 tylli, ya ki Khasi wa Jaiñtia 56 tylli, ya ki Garo 56 tylli katwa ya ki OST wa SC da em 7 tylli.