15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Dang kheiñ bait ka sorkar wa u Doctor ka Bethany toh uwa man Positive

Advertisement ad1
Advertisement ad1

Heiyatoh wa u Doctor ka Bethany Hospital uwa yoh COVID-19 heiwa da pyntip kani ka Hospital wa haka 30 tarik da dep Test biang wei da chem wa da man Negative u.

Hawa kylli na u DHS (MI) u Dr. Aman War, da ong wa ya u Doctor ha Bethany, ka sorkar dang kheiñ bait ko kam uwa dang em ya uni u khñiang katkam wa da Test nyngkong hanlada man Negative u hadien wa Test biang hadien chi sngi wei ini man i iwa bha neibhah wym hap leh de yaka Contact Tracing.

Advertisement ad1
Advertisement ad1

Da ong u leh wa ini pynyoo ko yei rukom man uni u khñiang wei ye u man leh wa khlan i doh i pran wow yaleh pyrchah wa uni u khñiang wei hap leh wow pyrkhat leh chaphang ki tiar ki tar wa pynemkaam hawa Test.

Chooh chooh da ong leh wa lada man Negative uni Doctor daw hap hi u wow leh yaka Quarantine wa 14 sngi neibhah ym tip kammon ye u man uni u khñiang hadien. Kamtæ ym man wow kheiñstiñ.

Da ong u leh wa lada ym em sñiawhun ki bru yaka Test wada leh nyngkong, em ki yei hok wow phah Test biang tangwa deiwa phah leh hi ki, daw hap ki wow su yaka bai Test. Tangwa u kheiñ du yaka Test kawa da leh hadien 14 sngi wei lada man Negative kamjooh biang hadien 24 kynta daw pynbna noh wa da chait wei ini toh i jooh wa leh ya kiwon kiwon kiwa man Positve ka Test.

Da pynche u leh wa lada phah daka jooh bait ka nongmuna kawa da chim hei jooh i por te de ye wow ong deiwa tikna, tangwa lada chim hadien chi sngi lane 2 sngi te yoh Result da kawi, hap leh wow kylli yei long i man ki kor wa pynemkaam deiwa pynrap u leh wa ym em mut wa ym em biang ki tiar wa pynemkaam.

Share this:
Previous

33 ngut kiwa dang yoh wa 39 ngut kiwa da chait ha Meghalaya ynne ka sngi

Next

Pynbna chooh ka sorkar yaki Containment Area ha Shillong