I thap pyrtuid ki kyrtong wa yakhun ya ka Election MLA 2023 hapoh ki 60 tylli ki Constituency ka Meghalaya da poi i cha wakut ynne ka 7 tarik heiwa ha waroh 12 tylli ki District ka jylla da em waroh 379 ngut ki kyrtong kiwa da wan chakhmat wow thap pyrtuid.
Na kini ki 379 ngut, ki kynthai da em ki 37 ngut kiwa boon dooh ha East Khasi Hills 14 ngut wa ha Ri-Bhoi 7 ngut.
Ki kyrtong wa boon dooh toh ha East Khasi Hills kiwa em 116 ngut na ki 17 tylli ki Constituency (kawa boon Constituency dooh) iwa mut wa em kamwa 6.8 ngut ki kyrtong ha kawi ka Constituency deiwa kheiñ yong lang (Average).
Wa ar kiwa boon dooh ki kyrtong toh ha West Garo Hills (9 tylli ki Constituency) kiwa em 69 ngut ki kyrtong (4 ngut ki kynthai), hei wa le toh ka Ri-Bhoi (5 tylli ki Constituency) kawa em 35 ngut ki kyrtong (7 ngut ki kynthai) wei hei wa soo toh ka West Jaiñtia Hills (5 tylli ki Constituency) wa em 27 ngut ki kyrtong.
Kiwa duna dooh toh ha Eastern West Khasi Hills kawa em ar tylli ki Constituency heiwa da em 9 ngut ki kyrtong (2 ngut ki kynthai).
Ka East Jaiñtia Hills leh kawa em ar tylli ki Constituency da em ko 13 ngut ki kyrtong (3 ngut ki kynthai).
