15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

T. 500 u daiñ kuna ya kiwa ym deiñ Mask wa T. 1000 ya kiwa mynthu ha ki thaw paidbah: Prakash Javadekar

Advertisement ad1
Advertisement ad1

U Minister of Environment, Forest & Climate Change, Information & Broadcasting, Heavy Industries & Public Enterprises ka sorkar India u Prakash Javadekar ynne hawa lai pait yei long i man heiyatoh wa u COVID-19 ha Pune, Maharashtra da pynman u ya ki le tylli ki yalang heiwa da yachem u wa ki khlieh District, ki heh ka sorkar jylla, kiwa mihkhmat paidbah wa ki Editor ki laad pathai khubor.

Da ong u wa hap pynkhor yaka hukum wa phah u deiñ Mask wei toh u daiñ kuna T. 500 ya kiwa ym deiñ Mask wa T. 1000 ya kitu kiwa mynthu ha ki thaw paidbah.

“Emkaam i wow pyntkut ya u kynjri wa poor kani ka khlam. I krehlang ki laad pathai khubor man ko kawa emkaam bha, kamjooh kani man ko ka thma yong waroh. I ya ksohkti yong waroh man ko iwa emkaam. Da rai i wow pynbiang chooh chooh yei rukom e yutip yow lait kiwon kiwon u chah ieh. Ka sorkar pyrdi u e ko leh waroh i yarap wa ye ko wow e. Ha kini ki 1-2 sngi ka sorkar pyrdi daw pynbna ko ya ki kaam yow pynkrehkaam ya ki thaw sumaar wa heh bha (Jumbo Facilities),” da ong u Javadekar.

Neiliang ki Editor kot khubor da e ki boon ki buit yow kdoh u khoom yei poor kani ka khlam. Chooh chooh da ong ki leh wa ye u man wa neidaw i kreh wa khlem sangeh la 3-4 bnai da sdang pyngiah ko hadooh ki pulit leh da sdang duna ki ha ki luti ki syngkieñ.

U Maharashtra Deputy Chief Minister u Ajit Pawar da ong u wa i khlaad yong uwi u Reporter ka TV9 neidaw wym yoh yei sumaar wa biang da pynman yaka takit wei daw yoh yaka Report haka chi sngi ar sngi. Da ong u leh wa i chem chitom ki Jumbo Facility ha Pune toh neidaw wa ku syndet kiwa yoh COVID-19 iwa da khlem poi pyrkhat. Chooh chooh da ong u wa emkaam wow pynkhlan yei pynmih yaka Oxygen yow booh ha ki thaw sumaar yow pyntikna wa ym dooh yei mynsien bru neidaw wym ye u pynbiang Oxygen.

U Pune Municipal Commissioner u Vikram Kumar da pyntip u wa em 74 tylli ki Containment Zone ha Pune wei 11% ki bru im ki ha kini ki thaw.

Share this:
Previous

E snam sñiawbha ka Jingiaseng Samla Katholik Mihmyntdu cha ka Blood Bank Jowai

Next

39 ngut kiwa dang yoh COVID-19 ha West Garo wa 27 ngut kiwa chait ha East Garo Hills