theme-sticky-logo-alt
theme-logo-alt
Advertisement ad1
Advertisement ad1

39 tylli ki chnong ka thaaiñ Langpih pynskem ki yei kwah wow em hapoh Meghalaya

Advertisement ad1

Ka Synjuk ki Nongsynshar Shnong yong ka Nongmynsaw Syiemship deilang wa u MDC ka Rambrai-Jyrngam, u Bajop Pyngrope da lai e dorkat ki ha u Symbood Montri Rangbah ka jylla, u Prestone Tynsong wow pynyoo wa ki chnong kiwa em hadooh 39 tylli ha ka thaaiñ Langpih da mynjur chwa ki wow em bait ha ka jylla Meghalaya.

U Bajop Pyngrope da ong u wa waroh ki chnong kiwa haap hapoh ka Hima Nongmynsaw da dep ki wow soi wa kwah ki wow em ha ka jylla Meghalaya, wei da ini i ya soi da pynsñiaw yei kyrmen wa ka Langpih u chah kynthup ki hapoh ka jylla Meghalaya hei pynbait pood i bhah wa ar iwa daw sdang.

Advertisement ad1
Advertisement ad1
Advertisement ad1

Hawa kylli wa ka Langpih toh kawi na ki thaw wa ka sorkar leh da pdiang ko wa em i eh wow pynbait, u MDC da ong u wam kamwa man katni, 95% na ki paidbah ha katai ka thaaiñ kwah bait ki wa ka Langpih u em bait ko ha Meghalaya, wei ya 5% kiwi won kiwa dang artatien kam ki Hajong, ki Koch wa Nepali, ki Hima daw pyrchang ki wow pynsñiawthooh wow bien ki wow em ha Meghalaya.

Hawa kylli hajrong i pynbait ya u pood u ang katkam ki kot ki sla wa da pynlang nadooh u snem 2011, da ong u wa ya ki kot ki sla yong ka bui namo ka Report u snem 2011 um pu yoh, tangwa kawa sñiawsuk toh wa man kiwa boon hi kwah ki wow em ha Meghalaya.

Hawa kylli chooh chooh, u Bajop da ong u wa toh i kaamram yong oo kam u MDC wow pyntikna wa waroh 39 tylli ki chnong daw em ki hapoh Meghalaya, hanla ym toh kiwa em hei thoh hapoh ka Report yong u snem 2011.

Share this:
Previous

Da sdang ya ka Weekly Podcast ha EJH wow batai paidbah ya ki Scheme sorkar

Next

Da pynkrehkaam yaka Website wa ye ki sahep sorkar wow pynyoo yei yoh i laa ki