3rd Division: 22 tylli ki kool thap ki liang wa jop ynne

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da soo tylli ki yalehke heiwa da thap 22 tylli ki kool da ki liang wa jop katwa kiwa rem ym em yoh ki u thap chi kool leh.

Ha ka yalehke wa nyngkong, ka Mookaswan Dongneiñ da jop ko yaka New Hill da 2-0 lyngba ki kool wa thap u June Shylla haka minit wa 50 wa 54.

Ha ka yalehke wa ar, ka Khliehchnong Ialong da jop ko yaka Salaroh da 6-0 da ki kool wa thap u Sainkiru Pale haka minit wa 4 wa 9, u Shanlang Lyngdoh haka minit wa 12 wa 45, u Ashiel Pale haka minit wa 14 wa u Arkini Kyndong (Own Goal) haka minit wa 20.

Ha ka yalehke wa le, ka Mulang Ialong da jop ko yaka Samaro 2-0 da ki kool wa thap u Skhemlangki Pale haka minit wa 42 wa u Rima Pale haka minit wa 62.

Related posts

Jop ka Amlarem SC ya ka 1st War Jaiñtia Football Tournament

May 19, 2025

Psiah Final sa ka Ummulong ha ka District Cricket League

May 17, 2025

Ha ka yalehke wa soo, ka Madan Thadmuthlong da jop ko yaka Nangbah Khlopano da 12-0 da ki kool wa thap da u Precious Tang haka minit wa 7, 16, 36 wa 44, u Manhok Suchiang haka minit wa 15, 27 wa 38, u Samsauru Papiah haka minit wa 29 wa 39, u Sumar Tang haka minit wa 53, u Francis Sumer haka minit wa 62 wa u Phermi Suchiang haka minit wa 63.

Mynstep daw pynman kawi donhi wa ka yalehke ka 3rd Division heipor 12:00 waje hapyrdi ka Nangbah Pochnong waka Lumchyrmang Mihmyntdu wei daw em leh le tylli ki Quarter Final ka Independence Cup ki U-17.