Ha ka Wyrta wa da phah da ka One Man Inquiry Commission wa thung da ka sorkar Assam wa khlieh da ka Justice Rumi Kumari Phukan (Retd.) kawa da chong wow ap (Hearing) yei wan kiwa sakhi wa kiwa wanrah sabut, da pynman ha Conference Hall, Assam House, Shillong haka 7 tarik uni u bnai neibynta iwa jia ha Mukroh haka 22-11-2022 wei ini toh wow e laad ya kiwa na Meghalaya yow pynsñiaw ki yei yong ki hajrong ini wa jia.
Da pyntip wa chwa wow pynman ya kani ka yalang da dep wow pynbna ha ka kotkhubor “The Shillong Times” haka 04-08-2023 yow tip ki bru wow wan chakhmat yow khana yeiwa jia hakhmat kani ka Commission lada man ki kam kiwa sakhi næ kiwa em sabut.
Da dep leh wow pyntip cha ka sorkar Meghalaya deiwa kyrpaad wow pynyoo ko ya ki kot ki sla wei wow yah leh ya kiwa sakhi hakhmat ka Commission.
Da phah leh ya u DC ka West Jaiñtia Hills yow phah Notice cha kiwa man kam kiwa sakhi yow wan ki ha katai ka tarik wa da booh tangwa ym em jubab neiliang ka sorkar wei ym em leh uwi wa wan chakhmat wow e sakhi.
Kamtæ da pynkut ya kani ka wan ap namo ka Hearing ka Commission neibynta ka Meghalaya wei da liwan biang cha Guwahati.
Discussion about this post